ຫວຽດນາມ ດັບຝັນ ອິນໂດເນເຊຍ ຄວ້າແຊັມບານເຕະຊາຍ ຊີເກມ 2019

522
Vietnam's Van Hau Doan, center, celebrates after scoring a goal during the men's final soccer match against Indonesia at the 30th South East Asian Games in Manila, Philippines on Tuesday Dec. 10, 2019. (AP Photo/Aaron Favila)

ທີມຊາດຫວຽດນາມ ຄວ້າແຊ້ມບານເຕະຊາຍ ໃນງານມະຫາກໍາກີລາ ຊີເກມ ຄັ້ງທີ 30 ໄປຕາມຄາດໝາຍ ຫຼັງສາມາດຢໍ້າແຄ້ນ ອິນໂດເນເຊຍ 3-0 ໃນການແຂ່ງຂັນຮອບຊີງຊະນະເລີດທີ່ສະໜາມ ຣິຊາລ ເມໂມຣຽລ ສະເຕດ້ຽມ ເມື່ອວັນທີ 10 ທັນວາ 2019.

ນັດຊີງເປັນການໂຄຈອນມາພົບກັນອີກຄັ້ງ ຫຼັງໃນຮອບແບ່ງກຸ່ມ ຫວຽດນາມ ເອົາຊະນະ 2-1, ເຊິ່ງນັດນີ້ ຫວຽດນາມ ເປັນຝ່າຍຄຸມເກມໄດ້ເໜືອກວ່າ ກ່ອນຈະມາໄດ້ປະຕູຈາກການຍິງຂອງ ໂດນ ວານເຮົາ ນາທີໆ 39 ກັບ 73 ແລະ ອີກ 1 ປະຕູຈາກ ໂດ ຮຸງດຸງ ນາທີໆ 59 ເອົາຊະນະ ອິນໂດເນເຊຍ 3-0 ຄວ້າຫຼຽນຄໍາໄປຄອງ.

ຂະນະທີ່ ຄູ່ຊີງອັນດັບ 3 ມຽນມາ ບຽດເອົາຊະນະ ກໍາປູເຈຍ ໃນການດວນຈຸດໂທດ 5-4 ຫຼັງຈາກສະເໝີກັນ 2-2 ໃນເວລາປົກກະຕິ ຄວ້າຫຼຽນທອງໄປຄອງ, ສ່ວນ ກໍາປູເຈຍ ພາດໂອກາດຄວ້າຫຼຽນໄປຄອງ ຫຼັງສ້າງປະຫວັດສາດເຂົ້າຮອບ 4 ທີມໄດ້ເປັນຄັ້ງທໍາອິດ.

ທັງນີ້, ໄຊຊະນະນັດດັ່ງກ່າວ ຍັງເຮັດໃຫ້ ຫວຽດນາມ ສ້າງປະຫວັດສາດຄວ້າຫຼຽນຄໍາບານເຕະຊາຍໄດ້ເປັນຄັ້ງທໍາອິດ ນັບຕັ້ງແຕ່ປ່ຽນຊື່ຈາກກີລາແຫຼມທອງ ມາເປັນກີລາ ຊີເກມ ເມື່ອປີ 1977 ຫຼື 42 ປີກ່ອນ ແລະ ເປັນແຊັມຄັ້ງທີ 2 ໃນຮອບ 60 ນັບຕັ້ງແຕ່ໄດ້ແຊັມຄັ້ງຫຼັງສຸດໃນປີ 1959.

ທີ່ມາ: ຄໍາສອນ; ຮູບຈາກ: AP