ລາວກຽມສົ່ງທັບນັກກິລາ 370 ຄົນ ໃນ 25 ປະເພດກິລາ ເຂົ້າຮ່ວມແຂ່ງຂັນຊີເກມ ຄັ້ງທີ 30

394

ສປປ ລາວ ກຽມສົ່ງທັບນັກກິລາເຂົ້າຮ່ວມງານມະຫາກຳຊີເກມ ຄັ້ງທີ 30 ທີ່ຈະຂຶ້ນທີ່ປະເທດຟີລິບປິນ ໃນລະຫວ່າງວັນທີ 30 ພະຈິກ ຫາ 11 ທັນວາ 2019 ນີ້ ທັງໝົດ 370 ຄົນ ໃນ 25 ປະເພດກິລາ.

ທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ, ກະຊວງສຶກສາທິການ ແລະ ກິລາ ກ່າວ ໃນພິທີຖະແຫຼງຂ່າວການກະກຽມເຂົ້າຮ່ວມການແຂ່ງຂັນງານມະຫາກຳກິລາຊີເກມ ຄັ້ງທີ 30 ທີ່ຈັດຂຶ້ນໃນວັນທີ 15 ພະຈິກ 2019 ທີ່ຄະນະກຳມະການໂອແລມປິກແຫ່ງຊາດລາວ ວ່າ: ການກະກຽມເຂົ້າຮ່ວມແຂ່ງຂັນຊີເກມ ມາຮອດປັດຈຸບັນ ຄະນະຮັບຜີດຊອບໄດ້ສົມທົບກັບຄະນະກຳມະການໂອແລມປິກແຫ່ງຊາດລາວ ແລະ ສະຫະພັນກິລາແຫ່ງຊາດ ປຶກສາຫາລືຄົ້ນຄວ້າຄັດເລືອກເອົາປະເພດກິລາທີ່ມີຄວາມຫວັງຫຼຽນ, ມີສະຖິຕິໃກ້ຄຽງກັບລະດັບຂອງຄູ່ແຂ່ງຂັນ ແລະ ໄດ້ເຫັນເປັນເອກະພາບກຳນົດເອົາ 25 ປະເພດກີລາ ເຂົ້າຮ່ວມການແຂ່ງໂດຍນຳໃຊ້ງົບປະມານຂອງລັດຖະບານ ຈຳນວນ 230 ຄົນ ແລະ ບັນດາສະຫະພັນກິລາແຫ່ງຊາດຮັບຜິດຊອບກຸ້ມຕົນເອງ ຈຳນວນ 140 ຄົນ, ມີ ຄະນະນຳ, ກຳມະການຕັດສິນ, ຄູຝືກ ແລະ ນັກກິລາ ທີ່ຈະເດີນທາງໄປແຂ່ງຂັນ ທັງໝົດ 370 ຄົນ.

ສຳລັບ ສປປ ລາວ ແລ້ວການເຂົ້າຮ່ວມງານມະກຳກິລາຊີເກມ ຄັ້ງທີ 29 ປີ 2017 ຜ່ານມາ ສາມາດຍາດມາໄດ້ 2 ຫຼຽນຄຳ, 3 ຫຼຽນເງິນ ແລະ 21 ຫຼຽນທອງ ຈັດຢູ່ອັນດັບທີ 9 ຂອງ 11 ປະເທດທີ່ເຂົ້າຮ່ວມ, ຂະນະທີ່ການເຂົ້າຮ່ວມຄັ້ງນີ້ ຕັ້ງເປົ້າຍາດໃຫ້ໄດ້ 2 ຫຼຽນຄຳ