ການແຂ່ງຂັນເພາະກາຍຊີງຂັນ ທ່ານລັດຖະມົນຕີ ກະຊວງ ສສກ 2019 ສໍາເລັດເປັນທາງການ

330

ການແຂ່ງຂັນກີລາເພາະກາຍຊີງຂັນທ່ານລັດຖະມົນຕີ ກະຊວງສຶກສາທິການ ແລະ ກີລາ ( ສສກ ) ສໍາເລັດຢ່າງເປັນທາງການ ໃນວັນທີ 26 ຕຸລາ 2019 ທີ່ສະໂມສອນໃຫຍ່ ມະຫາວິທະຍາໄລແຫ່ງຊາດລາວ ( ມຊ ).

ໃຫ້ກຽດເຂົ້າຮ່ວມ ແລະ ມອບລາງວັນໂດຍ ທ່ານ ບົວລານ ສິລິປັນຍາ ຮອງລັດຖະມົນຕີ ກະຊວງສຶກສາທິການ ແລະ ກີລາ, ທ່ານ ສຈ. ປອ. ສົມສີ ຍໍພັນໄຊ ອະທິການບໍດີ ມະຫາວິທະຍາໄລແຫ່ງຊາດລາວ ແລະ ທ່ານ ຄໍາພະໄພວັນ ວົງໄຊ ຮັກສາການປະທານສະຫະພັນເພາະກາຍແຫ່ງຊາດລາວ ພ້ອມດ້ວຍຄູຝຶກນັກກີລາ ແລະ ນັກສຶກສາເຂົ້າຮ່ວມຢ່າງພ້ອມພຽງ.

ການແຂ່ງຂັນເພາະກາຍຄັ້ງນີ້ ປະກອບມີ 5 ປະເພດ   ຄື: ເພາະກາຍຊາຍ ຮຸ່ນ 65 ກິໂລ ກັບ 75 ກິໂລ, ຊາຍຫຸ່ນງາມ ຄວາມສູງບໍ່ເກີນ 170 ຊັງຕີແມັດ ກັບ ເກີນ 170 ຊັງຕີແມັດ ແລະ ຍິງຫຸ່ນງາມບໍ່ຈໍາກັດຄວາມສູງໃຊ້ກະຕິກາສາກົນແຂ່ງໂພສ 6 ທ່າບັງຄັບ ຜ່ານການແຂ່ງຂັນໃນວັນດັ່ງກ່າວປາກົດວ່າ:

ເພາະກາຍຮຸ່ນ 65 ກິໂລ ກຣາມ ຊະນະເລີດຕົກເປັນຂອງ ທ້າວ ເພັງລາດວົງ, ອັນດັບ 2 ແກ້ວຕາ ພະພິລົມລາສັກ, ອັນດັບ 3 ສິດທິພອນ ສຸດລິນທອງ.

ເພາະກາຍຊາຍ ຮຸ່ນ 75 ກິໂລ ຊະນະເລີດຕົກເປັນຂອງ ພຸດສະວັນ ສີສົມພູ, ອັນດັບ 2 ອິນທາ ກອງຄໍາມະນີວົງ, ອັນດັບ 3 ສຸທິດາວີ ວົງສຸທິ.

ຊາຍຫຸ່ນງາມ ຄວາມສູງບໍ່ເກີນ 170 ຊັງຕີແມັດ ຊະນະເລີດເປັນຂອງ ຂາວພອນ ພອນປະເສີດ, ອັນດັບ 2 ອຸ້ຍ ສີລິເສດ, ອັນດັບ 3 ຊຽງໄຮ ວິໄລສັກ.

ຊາຍຫຸ່ນງາມ ຄວາມສູງເກີນ 170 ຊັງຕີແມັດ ຊະນະເລີດເປັນຂອງ ບຸນໄທ ແດງສະຫວັດ, ອັນດັບ 2 ໄຊຍະສິດ ສະລິຍະເຕ່ນ, ອັນດັບ 3 ເກດສະດາ ສີມມະວົງ.

ຍິງຫຸ່ນງາມບໍ່ຈໍາກັດ ຄວາມສູງ ຊະນະເລີດ ນາງ ກອງແພງ ຂຸນວິໄນ, ອັນດັບ 2 ເຈນຕະນາ ຄໍາບຸນເຮືອງ, ອັນດັບ 3 ປາວິນາ.

( ຄໍາສອນ )

ທີ່ມາ: ໜັງສືພິມ ເສດຖະກິດ-ການຄ້າ