ທິມຊາດລາວ ຢູ9 ຈະລົງອື່ນເຄື່ອງກັບ ທີມຊາດມຽນມາ ແລງມື້ນີ້ ກຽມຄວາມຄັດເລືອກຊິງແຊັມ 2020

502

ເອົາໃຈຊ່ວຍ ທັບນັກກິລາບານເຕະຊາຍ​ທີມ​ຊາດ​ລາວ ຮຸ່ນອາຍຸບໍ່ເກີນ 19 ປີ ຊຸດກຽມຄັດເລືອກຊິງແຊັມອາຊີ 2020 ​ໄດ້ເດີນທາງໄປນະຄອນຢາງກຸ້ງ, ປະເທດມຽນມາ ເພື່ອອຸ່ນເຄື່ອງກັບທິມຊາດມຽນມາ ໃນວັນທີ 27 ຕຸລານີ້ ເວລາ 17:30 ທີ່ສະຫນາມກິລາ ຕູວັນນາ.

ທິມຊາດລາວຊຸດນີ້ ນຳໂດຍ ທ່ານ ຊຸນດຣາມ ມູຣຕີ້ ຄູຝຶກທິມຊາດຊຸດໃຫຍ່ຊາວສິງກະໂປ ແລະ ໄດ້ຄັດນັກເຕະໄດ້າມເປົ້າໝາຍ 23 ຄົນດັ່ງລຸ່ມນີ້:

ຜູ້ຮັກສາປະຕູ:

1. ພາລະດອນ ມະນີຄຳ ຈາກ ສະໂມສອນ ນະຄອນຫລວງວຽງຈັນ ເອັຟຊີ

2. ຈັນທະວີໄຊ ທຽບອານົງ ຈາກ ສະໂມສອນ ເອສະຣາ ເອັຟຊີ

ກອງຫລັງ:

3. ສົງການ ສີຈັນທະວົງ ຈາກ ສະໂມສອນ ຊ້າງນ້ອຍ ເອັຟຊີ

4. ອານຸລັກ ວັນນະລາດ ຈາກ ສະໂມສອນ ຊ້າງນ້ອຍ ເອັຟຊີ

5. ຈັນນີຈອນ ຈັນທະວົງ ຈາກ ສະໂມສອນ ໄອດີຊີ ຈຳປາສັກ ຢູໄນເຕັດ

6. ຄຳສະຫງ່າ ພິມມະສອນ ຈາກ ສະໂມສອນ ໄອດີຊີ ຈຳປາສັກ ຢູໄນເຕັດ

7. ນາລົງສິດ ຈັນທະລັງສີ ຈາກ ສະໂມສອນ ໄອດີຊີ ຈຳປາສັກ ຢູໄນເຕັດ

8. ອານັນຕະຊາ ສີພົງພັນ ຈາກ ສະໂມສອນ ເອສະຣາ ເອັຟຊີ

9. ສະເຫຼີມໄຊ ພົມມາວົງ ຈາກ ສະໂມສອນ ເອສະຣາ ເອັຟຊີ

10. ພຸດທະວົງ ສັງວິໄລ ຈາກ ສະໂມສອນ ເອສະຣາ ເອັຟຊີ

11. ຊີດີ ພົມສະຫວັນ ຈາກ ສະໂມສອນ ເອສະຣາ ເອັຟຊີ

ກອງກາງ:

12. ທະນູທອງ ກຽດນະລົງລົບ ຈາກ ສະໂມສອນ ວຽງຈັນ ເອັຟທີ

13. ບຸນມີ ປິ່ນແກ້ວ ຈາກ ສະໂມສອນ ໄອດີຊີ ຈຳປາສັກ ຢູໄນເຕັດ

14. ພູວຽງ ພູມສະຫວັດ ຈາກ ສະໂມສອນ ໄອດີຊີ ຈຳປາສັກ ຢູໄນເຕັດ

15. ອາລຸນໄນ ລຸນລາສີ ຈາກ ສະໂມສອນ ລາວໂຕໂຢຕ້າ ເອັຟຊີ

16. ກ້ວຍເຈັງ ໜູພັກດີ ຈາກ ກອງພົນທະຫານຮາບທີ 5 ແຂວງຈຳປາສັກ

17. ພຸດທະລັກ ທອງສະໜິດ ຈາກ ສະໂມສອນ ເອສະຣາ ເອັຟຊີ

18. ອານຸສອນ ໄຊປັນຍາ ຈາກ ສະໂມສອນ ເອສະຣາ ເອັຟຊີ

19. ເລັກໂຕ ຫຼວງອາໄພ ຈາກ ສະໂມສອນ ອີໂວ ຢູໄນເຕັດ

ກອງຫນ້າ:

20. ໂຈນີ ແຫວນປະເສີດ ຈາກ ສະໂມສອນ ເອສະຣາ ເອັຟຊີ

21. ສຸພັນ ຄໍາໃບອອ່ນ ຈາກ ສະໂມສອນ ໄອດີຊີ ຈຳປາສັກ ຢູໄນເຕັດ

22. ຕີ ສີຫາລາດ ຈາກ ສະໂມສອນ ກອງທັບ ເອັຟຊີ

23. ທຽນທັນວາ ສີຈຳປາ ຈາກ ສະໂມສອນ ຊ້າງນ້ອຍ ເອັຟຊີ

ລວມແລ້ວ 23 ນັກເຕະຊຸດນີ້ ມີນັກເຕະຈາກສະໂມສອນ ເອຊຣາ 8 ຄົນ, ໄອດີຊີ ຈຳປາສັກ 6 ຄົນ, ຊ້າງນ້ອຍ ເອຟຊີ 3 ຄົນ, ກອງທັບ ເອຟຊີ, ອີໂວ້ ຢູໄນເຕັດ, ກອງພົນທະຫານຮາບທີ 5 ແຂວງຈຳປາສັກ ຄົນ, ລາວໂຕໂຢຕ້າ, ວຽງຈັນ ເອຟທີ ແລະ ນະຄອນຫລວງວຽງຈັນ ເອຟຊີ ສະໂມສອນລະ 1 ຄົນ.

ໃນລະຫວ່າງວັນທີ 17-21 ຕຸລາ 2019 ທິມຊາດລາວຊຸດນີ້ ໄດ້ລົງສະໜາມອຸ່ນ​ເຄື່ອງ​ກຽມ​ທີມນັດທີ 3 ທີ່ປະເທດໄທ ຊະນະ 2 ເສຍ 1 ຍິງໄດ້ 3 ປະຕູ ເສຍ 1 ປະຕູຄື: ຊະນະ U-19 ຂອນແກ່ນ ເອຟຊີ ຈາກປະເທດໄທ 1-0, ເສຍໃຫ້ U-19 ສະ​ຣະ​ບູລີ ຢູ​ໄນ​ເຕັດ 0-1 ແລະ ຊະນະ U-19 ນະ​ຄອນ​ຣາດ​ຊະ​ສີ​ມາ 2-0.

ສຳລັບການ​ເຂົ້າ​ຮ່ວມ​​ແຂ່​ງ​ຂັນເຕະບານຊາຍ ຊີງແຊ້ມອາຊີ ຮຸ່ນອາຍຸບໍ່ເກີນ 19 ປີ ຮອບຄັດເລືອກ 2020 ທິມຊາດລາວ U-19 ຢູ່ກຸ່ມ H ຮ່ວມກັບ: ອົດສະຕຣາລີ, ໄຕ້ຫວັນ (ເຈົ້າພາບຮອບຄັດເລືອກກຸ່ມນີ້) ແລະ ມາເກົ້າ ຈະແຂ່ງຂັນໃນລະຫວ່າງວັນທີ 6-10 ພະຈິກ 2019.

– ວັນທີ 06 ພະຈິກ 2019 ເວລາ 16:00 ທີມຊາດລາວ ພົບ ອົດສະຕຣາລີ ແຂ່ງຂັນທີ່ສະຫນາມກິລາແຫ່ງຊາດ ໄຕ້ຫວັນ.

– ວັນທີ 08 ພະຈິກ 2019 ເວລາ 19:00 ທີມຊາດລາວ ພົບ ໄຕ້ຫວັນ ແຂ່ງຂັນທີ່ສະຫນາມກິລາແຫ່ງຊາດ ໄຕ້ຫວັນ.

– ວັນທີ 10 ພະຈິກ 2019 ເວລາ 16:00 ທີມຊາດລາວ ພົບ ມາເກົາ ແຂ່ງຂັນທີ່ສະຫນາມກິລາແຫ່ງຊາດ ໄຕ້ຫວັນ.

ສ່ວນ ມຽນມາ U-19 ຢູ່ກຸ່ມ ຮ່ວມກັບ: ສາທາລະນະລັດເກົາຫລີ (ເກົາຫລີໃຕ້) ຮອງແຊ້ມຄັ້ງຜ່ານມາ, ສປ ຈີນ ແລະ ສິງກະໂປ. ໂດຍ ມຽນມາ ເປັນເຈົ້າພາບຮອບຄັດເລືອກກຸ່ມນີ້.

ຮູບແບບການຄັດເລືອກທິມເຂົ້າຮອບ ພົບກັນໝົດໃນກຸ່ມ ແລ້ວຄັດເອົາທີ 1 ຂອງ 11 ກຸ່ມ ແລະ ທີ 2 ດີສຸດ 5 ທິມເຂົ້າສູ່ຮອບສຸດທ້າຍທີ່ປະເທດອຸດສະເບກິດສະຖານ. ຊຶ່ງ U-19 ທິມຊາດລາວເຄີຍໄປຫລິ້ນຮອບສຸດທ້າຍ 4 ຄັ້ງ ໃນປີ 1969, 1970, 1972 ແລະ 1974. ແຕ່ຕອນນັ້ນບໍ່ມີການຄັດເລືອກ ໂດຍຜົນງານດີສຸດເຂົ້າຮອບ 8 ທິມສຸດທ້າຍໃນປີ 1970 ເສຍໃຫ້ ອິນໂດເນເຊຍ 1-3. ແຕ່ຫລັງຈາກນັ້ນເມື່ອມີການຄັດເລືອກ U-19 ທິມຊາດລາວ ຍັງບໍ່ເຄີຍຜ່ານໄປຫລິ້ນຮອບສຸດທ້າຍ.

Photo: Lao FF