ເທຄວັນໂດ້ລາວ ກວາດ 2 ຄຳ 1 ເງິນ 5 ທອງ ລາຍການທີ່ປະເທດໄທ

360

ໃນມື້ວານນີ້ 26 ຕຸລາ 2019 ນັກກິລາເທຄວັນໂດ້ລາວ ສາມາດຄວ້າ 2 ຫລຽນຄຳ 1 ຫລຽນເງິນ 5 ຫລຽນທອງ ລາຍການ RSU Taekwondo Open 2019 ທີ່ມະຫາວິທະຍາໄລຣັງສິດ, ປະເທດໄທ ໂດຍ 2 ຫລຽນຄຳໄດ້ຈາກ ທ້າວ ທິບພະກອນ ກວາງມະນີວົງ ປະເພດຕໍ່ສູ້ລຸ້ນ 54 ກິໂລ ແລະ ນາງ ກິດາວອນ ພິລະວົງ ປະເພດຟ້ອນປຸ້ມເຊ ຍິງດ່ຽວ ພ້ອມຮັບລາງວັນນັກກິລາດີເດັ່ນ.

ໂດຍ 1 ຫລຽນເງິນໄດ້ຈາກ ທ້າວ ສອນໄຊ ມັງເຄືອ ປະເພດຕໍ່ສູ້ລຸ້ນ 80 ກິໂລ; 5 ຫລຽນທອງຈາກ ນາງ ສອນສະຫັວນ ສິລິມະໂນທຳ ປະເພດຕໍ່ສູ້ລຸ້ນ 73 ກິໂລ, ທ້າວ ພູວິໄລ ຍົມມະລາດ ປະເພດຕໍ່ສູ້ລຸ້ນ 58 ກິໂລ, ທ້າວ ສົມສະນຸກ ພົມມະວົງ ປະເພດຕໍ່ສູ້ລຸ້ນ 74 ກິໂລ, ນາງ ອານຸລັກ ບຸສິງຂອນ ປະເພດຕໍ່ສູ້ລຸ້ນ 46 ກິໂລ, ນາງ ສອນສະຫັວນ ກວນວົງ ປະເພດຕໍ່ສູ້ລຸ້ນ 49 ກິໂລ ແລະ ທ້າວ ພັດທະນາ ໄຊຍະກຸມມານ ປະເພດຕໍ່ສູ້ລຸ້ນ 63 ກິໂລ.

ການແຂ່ງຂັນຄັ້ງນີ້ ລາວເຮົາສົ່ງນັກກິລາເຂົ້າຮ່ວມ 10 ຄົນ (ຍິງ 3 ຄົນ), ປະເພດຕໍ່ສູ້ 9 ຄົນ ແລະ ປະເພດຟ້ອນ 1 ຄົນ. ລາຍການນີ້ ມີຫລາກຫລາຍລຸ້ນອາຍຸທັງອະນຸຊົນ, ເຍົາວະຊົນ-ໄວໜຸ່ມ ແລະ ລຸ້ນທົ່ວໄປ ສຳລັບລາວເຮົາສົ່ງເຂົ້າຮ່ວມແມ່ນເພື່ອເປັນການທົດສອບນັກກິລາກຽມຄວາມພ້ອມສູ່ ຊີເກມ ຄັ້ງທີ 30 ທີ່ປະເທດຟີລິບປິນ ໃນວັນທີ 30 ພະຈິກ ຫາວັນທີ 11 ທັນວາ 2019.

Photo: Kolakot Simuongsong