ສຸກອາພອນ ກຽມເປີດຕົວທາງການກັບທີມໃໝ່ໃນໄທລີກ 1 ທ້າຍອາທິດນີ້

382

ອີງຕາມຂໍ້ມູນຈາກເວັບໄຊທ໌ https://www.smmsport.com ສື່ຂອງປະເທດໄທ ລາຍງານໃນວັນທີ 22 ຕຸລາ ຜ່ານມາ ໃຫ້ຊາບວ່າ: ພີທີ ປະຈວບ ເອັບຊີ ທີມອັນດັບ 9 ຂອງການແຂ່ງຂັນເຕະບານ ໄທລີກ 1 ລະດູການ 2019 ແລະ ແຊັມການແຂ່ງຂັນເຕະບານ ໂຄໂຢຕ້າ ລີກ ຄັບ 2019 ໄດ້ຄວ້າຕົວ ສຸກອາພອນ ວົງຈຽນຄຳ ເຂົ້າຮ່ວມທີມ

ສ່ວນການເປີດຕົວຂອງ ສຸກອາພອນ ວົງຈຽນຄໍາ ຈະມີຂຶ້ນຢ່າງເປັນທາງການ ຫຼັງການແຂ່ງຂັນນັດສຸດທ້າຍຂອງ ພີທີ ປຣະຈວບ ເອັຟຊີ ທີ່ຈະເປີດບ້ານຕ້ອນຮັບການມາຢາມຂອງ ຣາດຊະບູລີ ເອັຟຊີ ໃນວັນທີ 26 ຕຸລາ 2019 ເວລາ 18:00 ໂມງ.

ສໍາລັບ ສຸກອາພອນ ວົງຈຽງຄໍາ ແມ່ນນັກເຕະລາວທີ່ມີປະສົບການສູງໃນລີກຂອງປະເທດໄທ ເລີ່ມທີ່ສະໂມສອນ ບີອີຊີ ເທໂຣ, ສະໂມສອນ ກຣະບີ່ ເອັບຊີ, ສະມໂສອນ ພິດສະນຸໂລກ ເອັບຊີ, ສະໂມສອນ ສຣະບູລີ ເອັຟຊີ, ສະໂມສອນ ສີສະເກດ ເອັບຊີ ແລະ ໄຊນາກ ຮອນບິລ ລົງສະໜາມ 15 ນັດ ຍິງໄປ 1 ປະຕູ ບໍ່ສາມາດຊ່ວຍໃຫ້ທີມໜີການຕົກຊັ້ນໄດ້