ຊ້າງນ້ອຍ ເອັຟຊີ ເກັບໄຊຊະນະລາຍການລະດັບນາໆຊາດຄັ້ງທໍາອິດ ໄດ້ສໍາເລັດ, ແລງນີ້ລຸ້ນຕໍ່

368

ສະໂສອນ ຊ້າງນ້ອຍ ເອັຟຊີ ທີມອັນດັບ 3 ໃນເປບຊີ ລາວພຣີເມຍລີກ 2019 ສາມາດເອົາຊະນະ Muhun Bagan AC ສະໂມສອນຈາກອິນເດຍ ໄປຫວຸດຫວິດ 2-1 ໃນການແຂ່ງຂັນບານເຕະລາຍການ Sheikh Kamal International Club Cup 2019 ທີ່ປະເທດບັງກະລາເທດ ໃນວັນທີ 20 ຕຸລາ ທີ່ຜ່ານມາ ເຊິ່ງເປັນໄຊຊະນະນັດທໍາອິດ ແລະ ເປັນລາຍການທໍາອິດໃນລະດັບນາໆຊາດ.

ການແຂ່ງຂັນບານເຕະລາຍການ Sheikh Kamal International Club Cup 2019 ມີທີມເຂົ້າຮ່ວມທັງໝົດ 8 ທີມຈາກ 6 ປະເທດໄດ້ແກ່ ບັງກະລາເທດ 3 ທີມ, ອິນເດຍ 2 ທີມ, ມາເລເຊຍ 1 ທີມ, ມານດິບ 1 ທີມ ແລະ ລາວ 1 ທີມ ໂດຍ ຊ້າງນ້ອຍ ເອັຟຊີ ຖືກຈັບຢູ່ຮ່ວມກຸ່ມ A ປະກອບມີ: T.C Sports Club ຈາກມານດິບ, Muhun Bagan AC ຈາກອິນເດຍ, ແລະ Chittagong Abahani LTD ຈາກບັງກະລາເທດ, ສ່ວນກຸ່ມ B ປະກອບມີ: Bashundhara Kings ຈາກບັງກະລາເທດ, Chennai City Football Club ຈາກອິນເດຍ, Terengganu Football Club ຈາກມາເລເຊຍ ແລະ Abahani Limited Dhaka ຈາກບັງກະລາເທດ.

ເຊິ່ງໃນວັນທີ 20 ຕຸລາ 2019 ເປັນການແຂ່ງຂັນມື້ທໍາອິດປາກົດວ່າ: ຊ້າງນ້ອຍ ເອັຟຊີ ສາມາດພິກເອົາຊະນະ Muhun Bagan AC ທີມຈາກອິນເດຍ ໄປຫວຸດຫວິດ 2-1 ຈາກການຍິງຂອງ ສົມໄຊ ແກ້ວຫານາມ ເໝົາຄົນດຽວ 2 ປະຕູ ພ້ອມໄດ້ຮັບລາງວັນດີເດັ່ນປະຈໍານັດດັ່ງກ່າວອີກດ້ວຍ, ສ່ວນຄປນຂອງອີກຄູ່ໃນກຸ່ມ A ທີ່ແຂ່ງຂັນນັດເປີດສະໜາມ CHITTAHONG ABHANI LTD ເອົາຊະນະ TC SPORTS CLUB ຈາກປະເທດມານດີບ 4-1 ເຮັດໃຫ້ CHITTAHONG ABHANI LTD ຂຶ້ນນໍາຈາການມີ 3 ຄະແນນເທົ່າກັບອັນດັບ 2 ຊ້າງນ້ອຍ ເອັຟຊີ.

ສ່ວນ ນັດທີ 2 ຂອງ ຊ້າງນ້ອຍ ຈະພົບ Chittagong Abahani LTD ທີມຈາກເຈົ້າພາບ ໃນວັນທີ 22 ຕຸລາ 2019 ເວລາ 19:00 ໂມງ ແລະ ນັດສຸດທ້າຍຮອບແບ່ງກຸ່ມພົບກັບ T.C Sports Club ທີມຈາກມານດິບ ເພື່ອລຸ້ນເຂົ້າຮອບ

ຂ່າວຈາກ: ຂ່າວເສດຖະກິດ-ການຄ້າ lao economic daily