ຢູ 19 ລາວ ກໍານົດອຸ່ນເຄື່ອງ 3 ນັດທີ່ປະເທດໄທ ກຽມພ້ອມລຸຍລາຍການຊີງແຊັມອາຊີ 2020 ຮອບຄັດເລືອກ

406

ທີມຊາດລາວ ຢູ 19 ພາຍໃຕ້ການນໍາທີມຂອງ ທ່ານ Sundram Moorthy ຫົວຫນ້າຄູຝຶກຊາວ ສິງກະໂປ ແລະ ນັກເຕະ 26 ຄົນກໍານົດໄປອຸ່ນເຄື່ອງນັດທໍາອຍິດໃນວັນທີ 17 ຕຸລາ 2019 ເວລາ 18:00 ໂມງພົບກັບ ຂອນແກ່ນ ເອັຟຊີ ຢູ 19 ທີ່ໂຮງຮຽນກີລາຂອນແກ່ນ, ນັດທີ 2 ວັນທີ 19 ຕຸລາ 2019 ເວລາ 18:00 ໂມງ ພົບ ສະຣະບູລີ ຢູໄນເຕັດ ທີ່ສະໜາມກີລາແຂວງສະຣະບູລີ ແລະ ວັນທີ 21 ຕຸລາ 2019 ເວລາ 16:00 ໂມງ ພົບ ນະຄອນຣາດຊະສີມາ ຢູ 19 ທີ່ສະໜາມກີລາ 80 ພັນສາ.

ສຳລັບ ການແຂ່ງຂັນບານເຕະຊາຍ ຊີງແຊ້ມອາຊີ ຮຸ່ນອາຍຸບໍ່ເກີນ 19 ປີ ຮອບຄັດເລືອກ 2020 ຢູ 19 ລາວ ຢູ່ກຸ່ມ H ຮ່ວມກັບ ໄຕ້ຫວັນ ເຈົ້າພາບ, ອົດສະຕຣາລີ ແລະ ມາເກົາ ລະຫວ່າງວັນທີ 6-10 ພະຈິກ 2019.

ສ່່ວນຕາຕະລາງ ທີມຊາດລາວ ນັດທໍາອິດມີຂັ້ນໃນວັນທີ 6 ພະຈິກ 2019 ເວລາ 16:00 ໂມງພົບທີມຊາດອົສຕຣາລີ, ນັດທີ 2 ວັນທີ 8 ພະຈິກ 2019 ເວລາ 19:00 ໂມງພົບ ໄຕ້ຫວັນ ແລະ ນັດທີ 3 ວັນທີ 10 ພະຈິກ 2019 ເວລາ 16:00 ໂມງພົບ ມາເກົາ ໂດຍທຸກໆນັດແມ່ນແຂ່ງຂັນທີ່ສະໜາມ National Stadium (Kaohsiung City) ໄຕຫວັນ.