ມັນຊິນີ ສ້າງສະຖິຕິພາ ອິຕາລີ ຊະນະຕິຕໍ່ກັນຫຼາຍນັດທີ່ສຸດ

281
Italy's head coach Roberto Mancini, center, speaks to his players during a training session of the Italian national soccer team, one day prior to the UEFA Euro 2020 Qualifying, Group J soccer match between Liechtenstein and Italy, Monday, Oct. 14, 2019 in Vaduz, Liechtenstein. (Gian Ehrenzeller, Keystone via AP)

ໂຣແບໂຕ ມັນຊິນີ ຜູ້ຈັດການທີມ ສ້າງສະຖິຕິພາ ທີມຊາດອິຕາລີ ເກັບໄຊຊະນະຕິດຕໍ່ກັນຫຼາຍທີ່ສຸດໃນປະຫວັດສາດ ຫຼັງນັດຫຼ້າສຸດພາທີມຖະຫຼົ່ມ ລິກສະເຕນສະໄຕ ( Liechtenstein ) ໄປຂາດລອຍ 5-0 ໃນການແຂ່ງຂັນບານເຕະ ຢູໂຣ 2020 ຮອບຄັດເລືອກ.

ຈາກໄຊຊະນະນັດດັ່ງກ່າວ ເຮັດໃຫ້ ອິຕາລີ ເກັບໄຊຊະນະ 8 ນັດລວດໃນການແຂ່ງຂັນບານເຕະ ຢູໂຣ 2020 ຮອບຄັດເລືອກ ແລະ ເປັນການຄຸມທີມຊະນະ 9 ນັດຕິດຕໍ່ກັນຂອງ ມັນຊິນີ ອີກດ້ວຍ.

ສໍາລັບ ໄຊຊະນະນັດນີ້ເຮັດໃຫ້ລາວກາຍເປັນຜູ້ຈັດການທີມ ທີ່ສ້າງສະຖິຕິພາ ອິຕາລີ ຊະນະຕິດຕໍ່ກັນຫຼາຍທີ່ສຸດໃນປະຫວັດສາດ 9 ນັດທຽບເທົ່າກັບ ວິກຕໍຣິໂອ ປອຊໂຊ ຕໍານານຜູ້ຈັດການທີມທີ່ພາ ອິຕາລີ ຄວ້າແຊັມບານໂລກ 2 ສະໄໝທີ່ເຄີຍເຮັດໄວ້ໃນໄລຍະ 1938-1939.