ມາແລ້ວສີພາຍ ນາວາສັກສິດ ເກັບແຊັມເຮືອ 12 ສີພາຍໃນບຸນຊ່ວງເຮືອທ່າວັດຈັນ ມື້ອື່ນລຸ້ນຕໍ່ເຮືອໃຫຍ່

480

ນາວາສັກສິດ ຄວ້າແຊັມເຮືອກີລາ 12 ສີພາຍ ຈັດຂຶ້ນທີ່ທ່າວັດຈັນ ໃນງານບຸນອອກພັນສາ ແລະ ບຸນຊ່ວງເຮືອນະຄອນຫຼວງວຽງຈັນ ປະຈໍາປີ 2019 ປະຈໍາວັນທີ 13 ຕຸລາ 2019

ການແຂ່ງຂັນເຮືອ 12 ສີພາຍມີ ລໍາເຂົ້າຮ່ວມແບ່ງເປັນ 2 ສາຍໆ ກ ບ້ານໄຊສະຫວ່າງ, ສາວງາມຈໍາພອນ ( ບ້ານນາກຸ່ງ ) ແລະ ນາວາສັກສິດ, ສ່ວນສາຍ ຂ ສົມຈັນຮ ມິນິມາກ, ບ້ານໄຊສະຖານ ແລະ ບ້ານເກິນ ປາກົດວ່າ: ນາວາສັກສິດ ພົບກັບ ບ້ານໄຊສະຫວ່າງ ໃນຮອບຊີງຊະນະເລີດ ກ່ອນທີ່ຈະເປັນ ນາວາສັກສິດ ແຊງເຂົ້າເສັ້ນໄຊ ຄວ້າແຊັມໄປຄອງ.

ສ່ວນມື້ອື່ນວັນທີ 14 ຕຸລາ ຈະເປັນການແຂ່ງຂັນເຮືອໃຫຍ່ 55 ສີພາຍຈັດຂຶ້ນທີ່ທ່ານໍ້າ ບໍລິເວນໂຮງແຮມແລນມາກ ເລີ່ມແຕ່ເວລາ 8:30 – 16:00 ໂມງ ປະກອບມີ: ເຮືອປະເພດນີຊາຍ 6 ລໍາ, ເຮືອປະເພດນີຍິງ 6 ລໍາ ແລະ ເຮືອສູດຊາຍ 7 ລໍາ

ສໍາລັບປີນີ້ມີເຮືອ 25 ລໍາເຂົ້າຮ່ວມແບ່ງເປັນ ເຮືອປະເພດນີຊາຍ 6 ລໍາ, ເຮືອປະເພດນີຍິງ 6 ລໍາ, ເຮືອສູດຊາຍ 7 ລໍາ ແລະ ເຮືອກີລາ 12 ສີພາຍ 6 ລໍາ ໂດຍແຕ່ລະປະເພດຈະແບ່ງອອກເປັນ 2 ສາຍຄັດເອົາ 2 ລໍາທີ່ມີຜົນງານດີທີ່ສຸດເຂົ້າຮອບຮອງຊະນະເລີດຕໍ່ໄປ.