ຢູ 19 ລາວ ໃຊ້ຄູຝຶກຈາກມາເລເຊຍ ລຸຍບານເຕະຊີງແຊັມອາຊີ 2020 ຮອບຄັດເລືອກ

326

ທີມຊາດລາວ ຮຸ່ນອາຍຸບໍ່ເກີນ 19 ປີ ພາຍໃນການນໍາທີມຂອງ ທ່ານ Sundram Moorthy ຫົວໜ້າຄູຝຶກຊາວມາເລເຊຍ ກຽມນໍາທີມເຂົ້າຮ່ວມ ການແຂ່ງຂັນບານເຕະຊາຍຊີງແຊັມອາຊີ ຮຸ່ນອາຍຸບໍ່ເກີນ 19 ປີ ຮອບຄັດເລືອກ 2020 ( AFC U-19 CHAMPIONSHIP 2020 Qualifiers ) ທີ່ໄຕ້ຫວັນ ລະຫວ່າງວັນທີ 6-10 ພະຈິກ 2019.

ຄວາມໄຫວຫຼ້າສຸດຂອງ ທີມຊາດລາວ ຮຸ່ນອາຍຸບໍ່ເກີນ 19 ປີ ຫຼ້າສຸດ ທ່ານ Sundram Moorthy ຫົວໜ້າຄູຝຶກຊາວ ສິງກະໂປ ໄດ້ຄັດເລືອກນັກກີລາເຫຼືອ 30 ຄົນສຸດທ້າຍເມື່ອທ້າຍອາທິດ ທີ່ຜ່ານມາ ຫຼັງຈາກເລີ່ມຝຶກຊ້ອມມາຕັ້ງແຕ່ທ້າຍເດືອນກັນຍາ 2019 ແລະ ຈະສືບຕໍ່ຄັດເລືອກໃຫ້ເຫຼືອ 26 ກ່ອນອອກເດີນທາງອຸ່ນເຄື່ອງ ທີ່ປະເທດໄທ ລະຫວ່າງວັນທີ 16-22 ຕຸລາ 2019.

ສໍາລັບ ທີມຊາດລາວ ຢູ່ກຸ່ມ H ປະກອບມີ: ອົດສະຕຣາລີ, ໄຕ້ຫວັນ ( ເຈົ້າພາບ ), ມາເກົາ ແລະ ລາວ,​ ສ່ວນ ຕາຕະລາງການແຂ່ງຂັນ ທີມຊາດລາວ ມີດັ່ງນີ້: ວັນທີ 6 ພະຈິກ 2019 ເວລາ 16:00 ໂມງພົບ ທີມຊາດອົດສະຕຣາລີ, ວັນທີ 8 ພະຈິກ 2019 ເວລາ 19:00 ໂມງພົບ ໄຕ້ຫວັນ ແລະ ວັນທີ 10 ພະຈິກ 2019 ເວລາ 16:00 ໂມງພົບ ມາເກົາ ໂດຍທຸກໆນັດແມ່ນແຂ່ງຂັນທີ່ສະໜາມ National Stadium (Kaohsiung City) ໄຕຫວັນ.

ຂ່າວຈາກ: ໜັງສືພິມເສດຖະກິດ-ການຄ້າ ແລະ ຮູບຈາກ: ສຕລ