ເພາະກາຍລາວ ຈັດ 2 ລາຍການພ້ອມກັນແຂ່ງເພາະກາຍ ແລະ ງັດກ້າມ ປະຈໍາປີ 2019 ທ້າຍເດືອນນີ້

351

ແຂ່ງຂັນກີລາເພາະກາຍຊີງແຊັມປະເທດລາວ 2019 ຊີງຂັນທ່ານລັດຖະມົນຕີກະຊວງ ສຶກສາທິການ ແລະ ກີລາ ( ສສກ ) ກຽມເປີດສາກຂຶ້ນລະຫວ່າງວັນທີ 24-26 ຕຸລາ 2019 

ສໍາລັບ ປີນີ້ມີ ການແຂ່ງຂັນເພາະກາຍປະກອບມີ 5 ປະເພດຄື: ເພາະກາຍຊາຍ ຮຸ່ນ 65 ກິໂລ ກັບ 75 ກິໂລ, ຊາຍຫຸ່ມງາມ ຄວາມສູງບໍ່ເກີນ 170 ຊັງຕີແມັດ ກັບ ເກີນ 170 ຊັງຕີແມັດ ແລະ ຍິງຫຸ່ນງາມບໍ່ຈໍາກັດຄວາມສູງ

 ນອກນັ້ນ, ໃນລາຍການດັ່ງກ່າວຍັງຈັດມີການແຂ່ງຂັນງັດກ້າມ, ເຊິ່ງຈັດຂຶ້ນເປັນຄັ້ງທໍາອິດກໍມີ 2 ຮຸ່ນຄື: ຮຸ່ນນໍ້າໜັກບໍ່ເກີນ 65 ກິໂລ, ບໍ່ເກີນ 75 ກິໂລ ແລະ ເກີນ 75 ກິໂລ ແບ່ງເປັນສະເພາະແຮງແຂນຊ້າຍ ແລະ ແຮງແຂນຂວາ ໂດຍມູນຄ່າລາງວັນລວມ 50 ລ້ານກີບ

ສໍາລັບ ການແຂ່ງຂັນລາຍການດັ່ງກ່າວຈະເລີ່ມແຕ່ວັນທີ 24 ຕຸລາ 2019 ເປັນມື້ລົງທະບຽນ ແລະ ຊັ່ງນໍ້າໜັກນັກກີລາ ພ້ອມທັງຈັດກິດຈະກໍາຕ່າງ ກ່ອນທີ່ວັນທີ 25 ຕຸລາຈະແຂ່ງຂັນຮອບຄັດເລືອກ ແລະ ຮອບຊີງຊະນະເລີດກີລາງັດກ້າມ, ສ່ວນວັນທີ 26 ຕຸລາແຂ່ງຂັນເພາະກາຍຮອບຄັດເລືອກ ແລະ ຮອບຊີງຊະນະເລີດ ຕາມກະຕິກາສາກົນແຂ່ງໂພສ 6 ທ່າບັນຄັບ ເລີ່ມແຕ່ເວລາ 9-19 ໂມງ.