ລາວໂຕໂຢຕ້າ ຄວ້າ 2 ແຊັມໄດ້ຕາມເປົ້າໝາຍຂອງປີ 2019 ລຸ້ນປ້ອງກັນແຊັມຕໍ່ໄປ

400

ລາວໂຕໂຢຕ້າ ເອັຟຊີ ຖະຫຼົ່ມ ອີໂວ ຢູໄນເຕັດ ໄປຂາດລອຍ 8-0 ໃນນັດຊີງບານເຕະຊີງຂັນ ສຕລ ຄອມມານໂດ 2019 ( Commando LFF CUP 2019 ) ໃນທ້າຍອາທິດ ທີ່ຜ່ານມາ ທີ່ສະໜາມກີລາແຫ່ງຊາດ ຫຼັກ 16 ຄວ້າແຊັມລາຍການທີ 2 ຂອງປີໄປຕາມຄາດໝາຍຕໍ່ຈາກ ເປບຊີ ລາວພຣີເມຍລີກ 2019.

ທ່ານ ໂພແກ້ວ ພິລາພັນເດຊ ຜູ້ຈັດການທີມ ລາວໂຕໂຢຕ້າ ເອັຟຊີ ກ່າວເຖິງຜົນສໍາເລັດວ່າ: ກ່ອນອື່ນຕ້ອງຂໍຂອບໃຈແຟນບານທຸກໆທ່ານທີ່ເປັນສ່ວນໜຶ່ງໃນການເຮັດໃຫ້ທີມຄວ້າແຊັມລາຍການທີ 2 ຂອງປີໄດ້ສໍາເລັດກໍຄື ລາວພຣີເມຍລີກ 2019 ແລະ ສຕລ ຄອນມານໂດ 2019 ຕາມເປົ້າ, ແນ່ນ່ອນໃນລະດູການໜ້າຈະມີການເສີມນັກເຕະໃໝ່ໃນເດືອນພະຈິກນີ້ ເພື່ອກຽມຄວາມພ້ອມລຸຍການ ເອເອັຟຊີ ຄັບ 2020.

ລາວໂຕໂຢຕ້າ ເອັຟຊີ ໄດ້ຮັບເງິນລາງວັນຈາກລາຍການນີ້ 30 ລ້ານກີບ ພ້ອມຂັນແຊັມຕໍ່ຈາກ ຂັນເປບຊີ ລາວພຣີເມຍລີກ 2019 ພ້ອມເງິນລາງວັນ 300 ລ້ານກີບ.