ບໍລິສັດ ອາລິອັນສ໌ ປະກັນໄພລາວ ສຶບຕໍ່ໂຄງການ Allianz Explorer Camp 2019

722

ໃນຕອນເຊົ້າວັນທີ02 ກໍລະກົດ 2019, ໂດຍຮ່ວມກັບສະຫະພັນ ກິລາບານເຕະແຫ່ງຊາດ, ບໍລິສັດ ອາລິອັນສ໌ ປະກັນໄພລາວ ໄດ້ຈັດໃຫ້ມີພິທີຖະແຫຼງຂ່າວເພື່ອເປີດຮັບສະມັກເຍົາວະຊົນລາວ ທີ່ມີອາຍຸລະຫວ່າງ 14-16 ປີຂຶ້ນໂດຍການເປັນປະທານຂອງທ່ານນາງ ກັນຍາ ແກ້ວມະນີ ເລຂາທິການສະຫະພັນບານເຕະແຫ່ງຊາດ ແລະທ່ານ ບຸນຖົມ ລໍມະນີ, ຮອງຜູ້ອຳນວຍການ ບໍລິສັດອາລິອັນສ໌ ປະກັນໄພລາວ ແລະ ການເຂົ້າຮ່ວມຂອງວິຊາການ ແລະ ເຕັກນິກຈາກສະຫະພັນ ແລະບໍລິສັດ ອາລິອັນສ໌ ປະກັນໄພລາວ.

ໂຄງການ Allianz Explorer Camp 2019 ເປັນກິດຈະກຳທີ່ເປັນກຸ່ມບໍລິສັດ ອາລິອັນສ໌ ຈັດຂື້ນເພື່ອສົ່ງເສີມໃຫ້ເຍົາວະຊົນມີຄວາມກ້າທີ່ຈະສະແຫວງຫາທັກສະ, ປະສົບການໃໝ່ ແລະ ມີຄວາມໝັ້ນໃຈໃນການຄົ້ນພົບສີ່ງທີ່ຕົນເອງໃຝ່ຝັນ. ໂຄງການ Allianz Explorer Camp 2019 ຖືກຈັດຂຶ້ນຢ່າງຕໍ່ເນື່ອງ ຊຶ່ງປີນີ້ຈັດຂື້ນເປັນປີທີ 11 ໂດຍການຮ່ວມມືກັບສະໂມສອນບາເຢີນມິວນິກ ເພື່ອຄັດເລືອກເອົາເຍົາວະຊົນຄວາມມັກ ແລະ ມີພອນສະຫວັນໃນກິລາບານເຕະ ໃນຂົງເຂດທົ່ວໂລກທີ່ມີບໍລິສັດອາລິອັນສ໌ ດໍາເນີນທຸລະກິດຢູ່ ໄປເຂົ້າຄ້າຍຝືກຊ້ອມບານເຕະກັບນັກເຕະ ແລະ ຄູຝືກຂອງສະໂມສອນບາເຢີນມິວນີກທີ່ປະເທດເຢຍລະມັນ ແລະໃນຂົງເຂດອາຊີ-ປາຊີຟິກ ປະເທດທີ່ມີເຄືອຂ່າຍຂອງກຸ່ມບໍລິສັດອາລິອັນສ໌ ປະກອບມີ: ປະເທດຈີນ, ປະເທດອິນໂດເນເຊຍ, ປະເທດມາເລເຊຍ, ສປປລາວ, ປະເທດໄທ, ປະເທດສິງກະໂປ, ປະເທດສີລັງກາ, ປະເທດໃຕ້ຫວັນ ແລະ ປະເທດຟີລິບປິນ.

ໂຄງການAllianz Explorer Camp 2019 ຈະແບ່ງອອກເປັນ 2 ຄ້າຍຝືກຊ້ອມຄື AllianzExplorer Asia Camp 2019 ຊື່ງຈະປະກອບມີເຍົາວະຊົນຈາກຂົງເຂດປະເທດອາຊີ-ປາຊີຟີກແລະໄດ້ຈັດຂື້ນທີ່ ໃນລະຫວ່າງ 23-26 ກໍລະກົດ 2019 ປະເທດສີງກະໂປ. ແລະຄ້າຍຝືກຊ້ອມ Allianz Explorer Global Camp 2019ທີ່ຈະໄດ້ຄັດເລືອກເອົາຜູ້ຊະນະຂອງແຕ່ລະປະເທດໃນ Asia Camp ໄປຮ່ວມເຂົ້າຝືກຊ້ອມທີ່ເມືອງມິວນີກ ປະເທດເຢຍລະມັນໃນລະຫວ່າງວັນທີ 22-27 ສີງຫາ 2019.

ບໍລິສັດ ອາລິອັນສ໌ ປະກັນໄພລາວ ສຶບຕໍ່ສານຝັນສຳລັບນ້ອງໆເຍົາວະຊົນລາວ ໂດຍຈັດໃຫ້ມີໂຄງການ ອາລິອັນສ໌ Allianz Explorer Camp 2019 ຂຶ້ນໃນລາວ ຊຶ່ງປີນີ້ເປັນປີທີ 3, ເປີດກ້ວາງຮັບສະມັກເຍົາວະຊົນລາວຜູ້ທີ່ມັກຮັກໃນການກິລາບານເຕະ ທັງເພດຍິງ ແລະ ເພດຊາຍ ຈາກທົ່ວປະເທດ ເຂົ້າທົດສອບສະມັດຕະພາບ ແລະ ທັກສະ ໃນການເຕະບານຂອງຕົນເອງ ໂດຍຈະຄັດເລືອກເອົາ 2 ຄົນທີ່ຊະນະເລີດ ເປັນຕົວແທນ ສປປລາວ ເຂົ້າຮ່ວມໂຄງການ Allianz Explorer Asia Camp 2019 ແລະ ພິເສດທີ່ສຸດແມ່ນ ໜື່ງໃນສອງຄົນນີ້ຈະມີໂອກາດໄປຮ່ວມຄ້າຍຝືກຊ້ອມກັບສະໂມສອນບາເຢີນມິວນີກ ທີ່ເມືອງມິວນີກ ປະເທດເຢຍລະມັນ.

ໃນສ່ວນຂອງການຄັດເລືອກ ແລະ ຂັ້ນຕອນຂອງການຄັດເລືອກ ນັກກິລາເຍົາວະຊົນນີ້ ປະກອບມີ: ການທົດສອບສະມັດທະພາບທາງດ້ານຮ່າງກາຍ ແລະ ທັກສະພື້ນຖານຂອງການຫຼິ້ນກິລາບານເຕະ ຕາມຕຳແໜ່ງທີ່ຜູ້ສະໝັກມີຄວາມຊຳນານ ເຊັ່ນ: ຜູ້ຮັກສາປະຕູ, ກອງຫຼັງ, ກອງກາງ, ກອງໜ້າ ແລະ ທັດສອບທັກສະການລ້ຽງ ສົ່ງບານ ໂມ່ງຍິງ ເພື່ອຄັດເລືອກຜູ້ທີ່ໄດ້ຄະແນນສູງສຸດໃນແຕ່ລະຕຳແໜ່ງ ຈາກນັ້ນຄະນະກຳມະການຈະປະເມີນຄຸນນະພາບ ແລະ ຄັດເລືອກເຍົາວະຊົນທີ່ເຕະດີທີ່ສຸດຈຳນວນ 2 ຄົນ ເພື່ອຜ່ານເຂົ້າສູ່ແຄັ້ມລະດັບອາຊີຕໍ່ໄປ.

ສຳລັບເຍົາວະຊົນທີ່ມັກກິລາບານເຕະແລະ ໃຝ່ຝັນຢາກໄປຮ່ວມກິດຈະກຳນຳໂຄງການ AllianzExplorer Camp 2019 ແລະຢາກມີໂອກາດພົບກັບນັກເຕະຊື່ດັງແຊັ້ມປ້ຽນລີກຈາກສະໂມສອນບາເຢິນມີວນິກຫຼາຍສະໄໝໃຫ້ກຽມຄວາມພ້ອມໃຫ້ເຕັມທີ່ ທາງດ້ານຮ່າງກາຍ ແລະ ຈິດໃຈ ຕັ້ງໃຈຝຶກຊ້ອມພັດທະນາທັກສະໃຫ້ດີເພື່ອຈະໄດ້ສະແດງໃຫ້ກຳມະການເຫັນ ແລະຂໍໃຫ້ໝັ້ນໃຈວ່າຄວາມໃຝ່ຝັນທີ່ລໍຄອຍໃກ້ເຂົ້າມາທຸກທີ.

ເງື່ອນໄຂແລະ ລາຍລະອຽດການສະໝັກ

ຜູ້ທີ່ມີອາຍຸ14 – 16 ປີເຕັມ ບໍ່ຈໍາກັດເພດ;

ມີສັນຊາດລາວ;

ມີຄວາມມັກໃນກິລາບານເຕະ;

ທັກສະພາສາອັງກິດລະດັບເລີ່ມຕົ້ນ,

ສໍາເນົາບັດປະຈໍາຕົວແລະ ປື້ມສໍາມະໂນຄົວ ຫຼື ເອກະສານອື່ນໆທີ່ສາມາດຢັ້ງຢືນການເກີດໄດ້.

ຊ່ອງທາງແລະ ວີທີການສະມັກ

ສໍາຫຼັບຜູ້ທີ່ສົນໃຈເຂົ້າຮ່ວມຄັດເລືອກແມ່ນສາມາດລົງທະບຽນໄດ້ລ່ວງໜ້າ ເພື່ອກວດສອບເອກະສານກ່ອນຜ່ານທີ່ເຟສບຸກຂອງບໍລິສັດອາລິອັນສ໌ ປະກັນໄພລາວ ທີໂດຍພິມ @agl.allianz

ຫຼືສາມາດມາລົງທະບຽນມື້ຄັດເລືອກເລີຍກໍ່ໄດ້.

ເອກະສານປະກອບໃນການສະມັກມີ:

ຮູບຖ່າຍຂອງຜູ້ສະມັກ

ຊື່ແລະ ນາມສະກຸນ (ພາສາລາວ ແລະ ພາສາອັງກິດ)

ຮູບຖ່າຍສຳມະໂນຄົວ(ໜ້າປົກ ແລະ ໜ້າທີ່ມີຮູບ/ຊື່ຜູ້ສະມັກ)

ຮູບຖ່າຍບັດປະຈຳຕົວຫຼື ເອກະສານອື່ນໆທີ່ຢັ້ງຢືນເຖິງການເກີດໄດ້.

ການຄັດເລືອກແມ່ນຈະຈັດຂື້ນໃນວັນທີ06 ກໍລະກົດ 2019ທີ່ເດີນເຕະບານຂອງສະຫະພັນບານເຕະແຫ່ງຊາດລາວ,ບ້ານຫວ້ຍຫົງເມືອງ ຈັນທະບູລີ ນະຄອນຫຼວງວຽງຈັນ ເລີ່ມຕັ້ງແຕ່ເວລາ 6ໂມງເຊົ້າເປັນຕົ້ນໄປ ພ້ອມຮັບຂອງທີ່ລະລືກຈາກບໍລິສັດ ອາລິອັນປະກັນໄພລາວ.

* ອາຍຸຜູ້ສະຫມັກຕ້ອງບໍ່ເກີນ 16 ປີ ໃນວັນທີ 30/ 06/2019