ທີມຊາດຍິງລາວ ຢູ 16 ເສຍໃຫ້ ອົດສະຕຣາລີ ຢຸດເສັ້ນທາງຄັດບານເຕະຍິງອາຊີ

251

ການແຂ່ງຂັນບານເຕະຍິງຊີງແຊ້ມອາຊີ ຮຸ່ນອາຍຸ 16 ປີ ຮອບຄັດເລືອກ ຮອບທີ 2 ຫລື AFC U-16 WOMEN’S CHAMPIONSHIP 2019 QUALIFIERS ROUND 2 ເຊິ່ງ ສປປລາວ ໄດ້ຮັບກຽດເປັນເຈົ້າພາບ ວັນທີ 03 – 07 ມີນາ 2019 ປິດສາກລົງຢ່າງເປັນທາງການໃນວັນທີ 7 ມີນາ 2019.

ໂດຍສາວລາວ ຢູ 16 ລົງສະໜາມພົບກັບ ຍັກໃຫຍ່ອາຊີຢ່າງ ອົດສະຣາລີ ປາກົດວ່າ: ສາວລາວ ຕ້ານຄວາມມແຂງແກ່ນຂອງ ອົດສະຕຣາລີ ບໍ່ໄຫວ ເສຍໄປ 0-3, ສ່ວນອີກຄູ່ໜຶ່ງ ຫວຽດນາມ ຢັນສະເໝີ ອີຣານ 0-0

ຈາກຜົນດັ່ງກ່າວ ສົ່ງຜົນໃຫ້ທີມຊາດລາວ ມີພຽງ 3 ຄະແນນບໍ່ພຽງພໍຕໍ່ການເຂົ້າຮອບຢຶດອັນດັບ 3 ຂອງກຸ່ມເຊັ່ນດຽວກັບ ອີຣານ ທີ່ມີ 1 ຄະແນນກໍ່ຕົກຮອບເຊັ່ນກັນ, ສ່ວນ ອົດສະຕຣາ ລົງສະໜາມ 3​ ນັດຊະນະລວດມີ 9 ຄະແນນກອດຄໍ ທີມຊາດຫວຽດນາມ ທີ່ມີ 4 ຄະແນນເຂົ້າຮອບສຸດທ້າຍໄປ.