ໄປທີ່ສູນການຄ້າທາດຫຼວງພລາຊາ ມີສິນຄ້າລາວຄົບທຸກຢ່າງ

244

ທີ່ສູນການຄ້າທາດຫຼວງພລາຊາ  ບໍລິສັດ Lao Best ໄດ້ຮວບຮວມເອົາບັນດາຜະລິດຕະພັນຕ່າງໆຂອງລາວມາວາງຈຳໜ່າຍ ເພື່ອເປັນການຊອກຕະຫຼາດ ແລະ ເພື່ອສ້າງເປັນສູນລວມຜະລິດຕະພັນລາວ, ປັດຈຸບັນໄດ້ນຳເອົາຜະລິດຕະພັນເຂົ້າວາງຈຳໜ່າຍແລ້ວກວ່າ 200 ລາຍການ.

No photo description available.

ທ່ານ ນາງ ລັດສະໝີ ເວດສະພົງ ປະທານ ບໍລິສັດ ແມ່ຂອງລາວ ຂາອອກ – ຂາເຂົ້າ ຈຳກັດ ທັງເປັນຜູ້ຈັດການ ບໍລິສັດ Lao Best ກ່າວວ່າ: ຍ້ອນຕົນເອງມີແນວຄວາມຄິດຢາກຊ່ວຍຜະລິດຕະພັນກໍຄືຜູ້ຜະລິດພາຍໃນໃຫ້ມີບ່ອນຈຳໜ່າຍສິນຄ້າ ແລະ ເຮັດເປັນສູນຜະລິດຕະພັນລາວ. ທັງນີ້, ດ້ານການນິຍົມສິນຄ້າລາວ ຈາກການສັງເກດເຫັນວ່າໃນປັດຈຸບັນຍອມຮັບວ່າພຶດຕິກຳການໃຊ້, ການບໍລິໂພກຂອງຄົນລາວເຮົາເລີ່ມປັບປ່ຽນ, ເລີ່ມເປີດກວ້າງ, ເປີດໃຈໃຫ້ສິນຄ້າລາວຫຼາຍຂຶ້ນ ສາເຫດຍ້ອນການພັດທະນາຜະລິດຕະພັນຂອງຜູ້ຜະລິດເອງເປັນສ່ວນຫຼາຍ ເຊິ່ງໄດ້ສ້າງຄວາມເຊື່ອຖືເລີ່ມເກີດຈາກຜູ້ທຳອິດ ແລະ ຕໍ່ໄປມັນກໍຈະສ້າງຄວາມເຊື່ອຖືໃຫ້ຜູ້ທີ 2 – 3 ຂຶ້ນໄປເລື້ອຍໆ ນັ້ນຄືການເລີ່ມເປີດໃຈ.

May be an image of indoor

ການພັດທະນາສິນຄ້າລາວ ພວກເຮົາໄດ້ສ້າງຜະລິດຕະພັນທີ່ຜະລິດໂດຍສີມືຂອງຄົນລາວ ເຊິ່ງເປັນສິນຄ້າທີ່ມີຄຸນນະພາບ ໂດຍສະເພາະຮູບຮ່າງໜ້າຕາ, ການຫຸ້ມຫໍ່ ຫຼື ມາດຕະຖານບໍ່ໄດ້ເປັນຮອງໃຜ ແຕ່ດ້ານການຈະຈຳໜ່າຍ, ການຫາຕະຫຼາດ, ວິທີການໂຄສະນາ ແລະ ອື່ນໆບັນດາຜູ້ປະກອບການພວກເຮົາມີ ຍັງຂາດປະສົບການ ຈະມີອີກກຸ່ມໜຶ່ງທີ່ຈະຕ້ອງໄດ້ຍື່ນມືເຂົ້າມາຊ່ວຍ, ມາສະໜັບສະໜູນ ຫຼື ເຮັດແນວໃດກໍໄດ້ ເພື່ອໃຫ້ຜູ້ຜະລິດຮູ້ຈັກວິທີການດຳເນີນການຕະຫຼາດ, ການໂຄສະນາ ແລະ ອື່ນໆ ເວລາຜະລິດຂຶ້ນມາແລ້ວຕ້ອງມີຕະຫຼາດຮອງຮັບ ແລະ ສາມາດຕອບສະໜອງໄດ້ແທ້ ນັ້ນເປັນສິ່ງທີ່ບ້ານເຮົາຍັງເຮັດບໍ່ທັນໄດ້.

No photo description available.

ເພື່ອເປັນການສົ່ງເສີມຜູ້ຜະລິດ ກໍຄືທາງດ້ານການຕະຫຼາດໃຫ້ມີບ່ອນຈຳໜ່າຍ ແລະ ການໂຄສະນາ ເຊິ່ງມີນັບແຕ່ເຄື່ອງໃຊ້ຈົນຮອດເຄື່ອງຢູ່ຂອງກິນຕ່າງໆ ເພື່ອມາວາງສະແດງ ແລະ ຈຳໜ່າຍໄວ້ໃນບ່ອນໜຶ່ງບ່ອນດຽວ ຄືສະຖານທີ່ຊັ້ນ 2 ຂອງສູນການຄ້າທາດຫຼວງພລາຊາ ໂດຍຜະລິດຕະພັນທີ່ໄດ້ມາໂຮມຕົວກັນຢູ່ທີ່ນີ້ ປະກອບດ້ວຍ: ອາຫານ, ເຄື່ອງດື່ມ, ເສື້ອຜ້າ, ນ້ຳຢາລ້າງຖ້ວຍ, ນ້ຳຢາຖູພື້ນ ແລະ ອື່ນໆອີກຫຼາຍຢ່າງ ເຊິ່ງມີລາຄາທີ່ບໍ່ແພງ ເຊິ່ງທາງສູນການຄ້າກໍໄດ້ມີມາດຕະການປ້ອງກັນໂຄວິດ – 19 ຢ່າງເຂັ້ມງວດ ແລະ ບັນດາພໍ່ຄ້າແມ່ຄ້າກໍໄດ້ຮັບການສັກຢາວັກແຊັງແລ້ວ.