ແຂວງຫຼວງນໍ້າທາ ໄດ້ຮັບອຸປະກອນຕ້ານໂຄວິດ – 19 ຈາກ ບໍລິສັດ ຮ່ວມໃຈພັດທະນາຄົບວົງຈອນ ແລະ ຄອບຄົວ ທ່ານ ຕົງລີ ເຢຍເຊັ່ງ

66

ບໍລິສັດຮ່ວມໃຈພັດທະນາຄົບວົງຈອນ ຈໍາກັດຜູ້ດຽວ ແລະ ຄອບຄົວຂອງ ທ່ານ ຕົງລີ ເຢຍເຊັ່ງ  ມອບອຸປະກອນເພື່ອຕ້ານ ແລະ ສະກັດກັ້ນການແຜ່ລະບາດພະຍາດໂຄວິດ – 19 ​ໃຫ້​ແຂ​ວງຫຼວງ​ນໍ້າ​ທາ ໃນວັນ​ທີ 9 ພະຈິກ 2021 ​ທີ່​ຫ້ອງ​ວ່າການ​ແຂວງຫຼວງນໍ້າທາ.

ປະກອບ​ມີນໍ້າດື່ມ 40 ແກັດ, ໝີ່ 40 ແກັດ, ຜ້າອັດປາກ – ດັງ 40 ກັບ ແລະ ເງິນສົດ 5 ລ້ານກີບ ລວມມູນ​ຄ່າ​ 10 ລ້ານ​ກີບ, ກ່າວ​ມອບ​ໂດຍ ​ທ່ານ ຕົງລີ ເຢຍເຊັ່ງ  ແລະ ກ່າວ​ຮັບ​ຂອງ ​ທ່ານ ຄໍາເພັດ ຈັນທະວົງ ກໍາມະການພັກແຂວງ ຫົວໜ້າຫ້ອງວ່າການແຂວງ ຕະຫຼອດພາກສ່ວນ​ທີ່​ກ່ຽວຂ້ອງ​​ເຂົ້າ​ຮ່ວມ.

ທ່ານ​ຫົວໜ້າຫ້ອງວ່າການແຂວງ  ​ໄດ້​ສະ​ແດງ​ຄວາມ​ຂອບ​ໃຈ​ມາ​ຍັງ​ທາງ ບໍລິສັດ ຮ່ວມໃຈພັດທະນາ ຈຳກັດຜູ້ດຽວ ແລະ ຄອບຄົວຂອງ ທ່ານ ຕົງລີ ເຢຍເຊັ່ງ ທີ່​ໄດ້​ປະກອບສ່ວນ​ວັດຖຸ​ປັດ​ໄຈ​ເຂົ້າ​ໃນ​ການ​ປ້ອງ​ກັນ, ສະກັດ​ກັ້ນ, ຄວບ​ຄຸມພະຍາດ​ໂຄ​ວິດ – 19 ຢູ່​ພາຍໃນແຂວງຫຼວງ​ນໍ້າ​ທາ​.

ຂ່າວ: ອຸ້ມ ສົມນໍວັນ