ຈັດພິທີປະກາດການເລື່ອນຊັ້ນ ພັນໂທ ຂຶ້ນ ພັນເອກ ຂອງກອງບັນຊາການ ປກສ ແຂວງຄຳມ່ວນ

94

ທີ່ສະໂມສອນແຂວງຄຳມ່ວນ ໄດ້ຈັດພິທີປະກາດເລື່ອນຊັ້ນໃຫ້ການນຳຂັ້ນສູງຂອງກອງບັນຊາການ ປກສ ແຂວງຄຳມ່ວນ ໃນທ້າຍອາທິດຜ່ານມາ ໂດຍການເຂົ້າຮ່ວມ ແລະ ເປັນປະທານຂອງ ທ່ານ ພົນຕີ ກົງທອງ ພົງວິຈິດ ກຳມະການສູນກາງພັກ ຮອງລັດຖະມົນຕີກະຊວງ ປກສ, ທ່ານ ວັນໄຊ ພອງສະຫວັນ ກຳມະການສູນກາງພັກເລຂາພັກແຂວງ, ເຈົ້າແຂວງຄຳມ່ວນ, ມີຄະນະພັກ – ຄະນະກອງບັນຊາການ, ຄະນະຫ້ອງ, ກອງ, ຄ້າຍຄຸມຂັງ – ດັດສ້າງ, ຕາງໜ້າກອງບັນຊາການ ປກສ ເມືອງ 10 ຕົວເມືອງ ຕະຫຼອດຮອດພະນັກງານຫຼັກແຫຼ່ງເຂົ້າຮ່ວມ.

ທ່ານ ພັນເອກ ສົມພອນ ແກ້ວພູທອງ ຮອງຫົວໜ້າກົມຈັດຕັ້ງພະນັກງານກົມໃຫຍ່ການເມືອງ ປກສ ໄດ້ຜ່ານດຳລັດຂອງທ່ານນາຍົກລັດຖະມົນຕີ ສະບັບເລກທີ 608/ນຍ ລົງວັນທີ 19 ຕຸລາ 2021 ວ່າດ້ວຍການເລື່ອນຊັ້ນນາຍຕຳຫຼວດຂັ້ນສູງຂອງກອງບັນຊາການ ປກສ ແຂວງຄຳມ່ວນ, ໃນນີ້ເລື່ອນຊັ້ນ ພັນໂທ ຂຶ້ນ ຊັ້ນພັນເອກ.

ເຊິ່ງປະກອບມີ ທ່ານ ພັນເອກ ທິບພະຈັນ ໂພໄຊ ກຳມະການພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງຄຳມ່ວນ, ໃຫ້ກຽດປະດັບຊັ້ນໂດຍ ທ່ານ ພົນຕີ ກົງທອງ ພົງວິຈິດ ກຳມະການສູນກາງພັກ ຮອງລັດຖະມົນຕີກະຊວງ ປກສ.