ການລົງເຄື່ອນໄຫວຕິດຕາມການກໍ່ສ້າງເສັ້ນທາງ ແຕ່ເທສະບານເມືອງ ຫາ ບ້ານໜອງປີງ ຂອງຮອງເຈົ້າເມືອງບົວລະພາ

57

ທ່ານ ສຸກຂະເສີມ ແກ້ວຈັນທະລາ ຮອງເຈົ້າເມືອງບົວລະພາ ແຂວງຄຳມ່ວນ ໄດ້ເຄື່ອນໄຫວ ຕິດຕາມການກໍ່ສ້າງເສັ້ນທາງ ແຕ່ເທສະບານເມືອງ ຫາ ບ້ານໜອງປີງ ໃນຕອນເຊົ້າຂອງວັນທີ 5 ພະຈິກ 2021 ທີ່ຜ່ານມາ ໂດຍມີປະທານ ແລະ ວິຊາການ ບໍລິສັດ ຕະຫຼອດຮອດພະນັກງານວິຊາການທີ່ກ່ຽວຂ້ອງໃຫ້ການຕ້ອນຮັບຢ່າງພ້ອມພຽງ.

May be an image of 5 people, outdoors and tree

ໂຄງການດັ່ງກ່າວໄດ້ເລີ່ມສ້າງແຕ່ວັນທີ 05/01/2021 ມາຮອດປັດຈຸບັນແມ່ນສາມາດປະຕິບັດໄດ້ 67,16% ເຊິ່ງໂຄງການດັ່ງກ່າວແມ່ນ ບໍລິສັດ PMS ກໍ່ສ້າງຂົວ – ທາງ ຈຳກັດ ເປັນຜູ້ຮັບເໝົາກໍ່ສ້າງ.

May be an image of 5 people, people standing, tree and road

ກໍເພື່ອເປັນການກວດກາຄວາມເປັນລະບຽບຮຽບຮ້ອຍ ແລະ ຄວາມຖືກຕ້ອງຕາມຫຼັກການ ເຊິ່ງການກໍ່ສ້າງເສັ້ນທາງໃນຄັ້ງນີ້ແມ່ນໄດ້ຮັບທຶນຈາກໂຄງການພັດທະນາຊົນນະບົດ ໄລຍະ 2 ສັນຍາ 3 ຢູ່ເມືອງບົວລະພາ ແຂວງຄໍາມ່ວນ ເຊິ່ງເປັນໂຄງການທີ່ໄດ້ຮັບການຊ່ວຍເຫຼືອລ້າຈາກປະເທດເຢຍລະມັນ ມີຄວາມຍາວທັງໝົດ 17,5 ກິໂລແມັດ, ໃນນັ້ນມີທາງເບຕົງ 630 ແມັດ, ມີຂົວ 7 ແຫ່ງ, ມີບ໋ອກ 22 ແຫ່ງ ແລະ ທໍ່ລອດທາງ 13 ແຫ່ງ ລວມມີມູນຄ່າໃນການກໍ່ສ້າງທັງໝົດ 20,6 ຕື້ກີບ.

ຂ່າວ: ທ. ບຸນປະພາດ