ທ້າຍເດືອນພະຈິກນີ້ ແຂວງບໍ່ແກ້ວຈະເກັບກ່ຽວຜົນຜະລິດລະດູຝົນໃຫ້ໄດ້ 100%

84

ທ່ານ ຈັນເພັງ ອິນຕະວົງ ຫົວໜ້າພະແນກກະສິກຳ ແລະ ປ່າໄມ້ ແຂວງບໍ່ແກ້ວ ໃຫ້ສຳພາດວ່າ: ໃນປີ 2021 ນີ້ ທົ່ວແຂວງບໍ່ແກ້ວ ມີເນື້ອທີ່ທຳການຜະລິດລະດູຝົນ ສະເພາະເຂົ້ານາປີມີຈຳນວນ 12.499 ເຮັກຕາ.

ໃນນີ້, ຢູ່ເມືອງຫ້ວຍຊາຍ ຈຳນວນ 5.078 ເຮັກຕາ, ເມືອງຕົ້ນເຜິ້ງ 2.727 ເຮັກຕາ, ເມືອງເມິງ 1.285 ເຮັກຕາ, ເມືອງປາກທາ 1.028 ເຮັກຕາ ແລະ ເມືອງຜາອຸດົມ 2.381 ເຮັກຕາ.

May be an image of 4 people and grass

ມາຮອດປັດຈຸບັນພໍ່ແມ່ປະຊາຊົນແຕ່ລະເມືອງກຳລັງຂຸ້ນຂ້ຽວເກັບກ່ຽວການຜະລິດລະດູຝົນ ( ເຂົ້ານາປີ ) ເຊິ່ງມາຮອດວັນທີ 4 ພະຈິກ 2021 ຜ່ານມາສັງລວມແລ້ວທົ່ວແຂວງສາມາດເກັບກ່ຽວຜົນຜະລິດສຳເລັດ 73% ຄາດວ່າສ່ວນທີ່ເຫຼືອຈະສຳເລັດ 100% ໃນທ້າຍເດືອນພະຈິກນີ້.

ນອກຈາກເຂົ້ານາປີແລ້ວແຂວງບໍ່ແກ້ວ ຍັງມີເນື້ອທີ່ຜະລິດເຂົ້າໄຮ່ ທັງໝົດ 6.710 ເຮັກຕາ ສ່ວນຫຼາຍເປັນໄຮ່ຄົງທີ່ຢູ່ແຕ່ລະເມືອງ ຄື: ເມືອງຫ້ວຍຊາຍ ຈຳນວນ 580 ເຮັກຕາ, ເມືອງຕົ້ນເຜິ້ງ 170 ເຮັກຕາ, ເມືອງເມິງ 600 ເຮັກຕາ, ເມືອງປາກທາ 1.460 ເຮັກຕາ ແລະ ເມືອງຜາອຸດົມ 3.900 ເຮັກຕາ ເຊິ່ງປັດຈຸບັນເກັບກ່ຽວສຳເລັດ 99% ສາມາດໄດ້ຜົນຜະລິດ 12.443,98 ໂຕນ.