ພະແນກ ອຄ ແຂວງຫຼວງນໍ້າທາ ລົງຊຸກຍູ້ພໍ່ຄ້າແມ່ຄ້າຢູ່ຕະຫຼາດ 3 ແຫ່ງໃນເມືອງຫຼວງນໍ້າທາ

181

ໃນວັນທີ 3 ພະຈິກຜ່ານມາ ພະແນກອຸດສາຫະກໍາ ແລະ ການຄ້າແຂວງຫຼວງນໍ້າທາ ໄດ້ລົງຊຸກຍູ້ພໍ່ຄ້າແມ່ຄ້າ 3 ຕະຫຼາດພາຍໃນເມືອງຫຼວງນໍ້າທາ ໂດຍການນຳພາຂອງທ່ານ ຄຳແກ້ວ ຈັນທະວົງ ຮອງຫົວໜ້າພະແນກອຸດສາຫະກຳ ແລະ ການຄ້າແຂວງ ພ້ອມຄະນະ, ມີຜູ້ຕາງໜ້າຄະນະສະເພາະກິດຄວບຄຸມ ແລະ ແກ້ໄຂການລະບາດຂອງພະຍາດໂຄວິດ – 19 ຂັ້ນແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

May be an image of 4 people, people standing, food and indoor

ຕະຫຼາດ 3 ແຫ່ງ ຂອງເມືອງຫຼວງນໍ້າທາ ມີຄື: ຕະຫຼາດກະສິກຳ ແລະ ອຸດສາຫະກຳແຂວງ, ຕະຫຼາດອາສາມ ຫຼື ຕະຫຼາດໂພນໄຊສະຫວ່າງ, ຕະຫຼາດອຸດສາຫະກຳ ແລະ ກະສິກຳນາເຕີຍ ຍ້ອນທຸກມື້ແຂວງຫຼວງນ້ຳທາ ໄດ້ມີຜູ້ຕິດເຊື້ອພະຍາດໂຄວິດ – 19 ນັບມື້ເປັນວົງກວ້າງ.

ດັ່ງນັ້ນການລົງກວດກາໃນຄັ້ງນີ້ກໍເພື່ອໃຫ້ພໍ່ຄ້າຊາວຂາຍ, ນັກທຸລະກິດພາຍໃນຕະຫຼາດໄດ້ດຳເນີນການຄ້າຂາຍໃຫ້ເປັນປົກກະຕິບໍ່ຕ້ອງແຕກຕື່ນຍ້ອນການລະບາດຂອງພະຍາດໂຄວິດ – 19 ແຕ່ໃຫ້ປ້ອງກັນຕົວເອງເອົາໃຈໃສ່ປະຕິບັດມາດຕະການປ້ອງກັນພະຍາດໂຄວິດ – 19 ຕາມທີ່ທາງຄະນະສະເພາະກິດວາງອອກໃຫ້ເຂັ້ມງວດ.

ທັງເປັນການກວດກາລາຄາສິນຄ້າ ເພື່ອບໍ່ໃຫ້ພໍ່ຄ້າແມ່ຄ້າສວຍໂອກາດກັກຕຸນລາຄາສິນຄ້າ.