ສະພາການຄ້າ ແລະ ອຸດສາຫະກຳ ແຂວງອຸດົມໄຊ ຮ່ວມກັບ ບໍລິສັດ ຕ້າລິງພັດທະນາຢາງພາລາລາວ-ຈີນ ຈັດອົບຮົມການປາດຢາງພາລາໃຫ້ຊາວກະສິກອນ ບ້ານເມືອງງາ

253

ໂດຍການເປັນປະທານຂອງ ທ່ານ ທອງອິນ ຄຳສົມປອງ ປະທານສະພາການຄ້າ ແລະ ອຸດສາຫະກຳ ແຂວງອຸດົມໄຊ, ມີວິທະຍາກອນທີ່ມາຈາກແຂວງ, ຫ້ອງການທີ່ກ່ຽວຂ້ອງຂັ້ນເມືອງ, ວິຊາການບໍລິສັດ, ອົງການປົກຄອງບ້ານ ພ້ອມດ້ວຍຊາວກະສິກອນ ບ້ານເມືອງງາ ເຂົ້າຮ່ວມໃນຕອນບ່າຍວັນທີ 26 ຕຸລາຜ່ານມາ ເຊິ່ງໄດ້ຈັດຝຶກອົບຮົມການປາດຢາງພາລາໃຫ້ແກ່ຊາວກະສິກອນທີ່ປູກຢາງພາລາຢູ່ບ້ານເມືອງງາ ເມືອງງາ ແຂວງອຸດົມໄຊ.

May be an image of 2 people, people standing, people sitting, outdoors and tree

ເພື່ອໃຫ້ຊາວກະສິກອນໄດ້ຮຽນຮູ້ກ່ຽວກັບຫຼັກການ, ວິທີການປາດຢາງພາລາທີ່ຖືກຕ້ອງ, ວິທີການໃນການບົວລະບັດຮັກສາຕົ້ນຢາງພາລາສາມາດໃຫ້ນ້ຳຢາງໄດ້ດີ ແລະ ຍືນນານ ເຊິ່ງເປັນບົດຮຽນ ແລະ ເຕັກນິກທີ່ມີຄວາມສຳຄັນກ່ອນຊາວກະສິກອນຈະລົງມືປາດຢາງພາລາ, ພ້ອມນີ້ກໍໄດ້ລົງມືໃນການຈັດຕັ້ງປະຕິບັດຕົວຈິງ ເພື່ອໃຫ້ຊາວກະສິກອນໄດ້ຮັບຮູ້, ເຂົ້າໃຈຢ່າງຈະແຈ້ງກ່ຽວກັບຫຼັກການ, ວິທີການປາດຢາງ ແລະ ບົວລະບັດຮັກສາຕົ້ນຢາງໃຫ້ຖືກຕ້ອງ.

ນອກນັ້ນ, ຍັງໄດ້ຝຶກຊ້ອມດ້ວຍການຕັດເອົາຕົ້ນຢາງທີ່ບໍ່ໄດ້ຄຸນນະພາບມາທົດລອງຂັ້ນຕອນການປາດ ເພື່ອໃຫ້ມີຄວາມຊຳນານງານກ່ອນລົງມືປະຕິບັດຕົວຈິງຕື່ມອີກ.

ຂ່າວ: ສີຈັນ ເກດວົງສາ