ໄດ້ຈັດພິທີປ່ອຍປາລົງສູ່ແມ່ນ້ຳທາ 1 ແສນໂຕ ຢູ່ແຂວງຸູຫຼວງນ້ຳທາ

126

ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຫຼວງນໍ້າທາ ສປປ ລາວ ສົມທົບກັບຫ້ອງການກະສິກຳ ກິ່ງແຂວງສິບສອງພັນນາ ແຂວງຢູນນານ ສປ ຈີນ ຈັດພິທີປ່ອຍປາທາງໄກ ຈຳນວນ 100.000 ໂຕ ຢູ່ທີ່ສາຍນ້ຳທາ ເຂດບ້ານດອນສຳພັນ ໃນວັນທີ 26 ຕຸລາ 2021 ຜ່ານມາ.

May be an image of one or more people and people standing

ພາຍໃຕ້ການເປັນປະທານຮ່ວມຂອງ ທ່ານ ໝາຢີ້ ຫົວໜ້າຫ້ອງການຕິດຕາມຄຸ້ມຄອງການປະມົງ ແມ່ນ້ຳຢາງຊີຈຽງ ຂອງກະຊວງກະສິກໍາຊົນນະບົດປະເທດຈີນ, ທ່ານ ສົມຫວັງ ນາບຸນແພງ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຫຼວງນໍ້າທາ ໂດຍມີ ທ່ານ ອ່ອນຈັນ ຄໍາພາວົງ ຮອງເຈົ້າແຂວງຫຼວງນ້ຳທາ ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ສົມຫວັງ ນາບຸນແພງ ໄດ້ໃຫ້ຮູ້ວ່າ: ການປ່ອຍປາໃນຄັ້ງນີ້ກໍເພື່ອເປັນການປະຕິບັດການຮ່ວມກັນຂອງກົດໝາຍໃນແມ່ນ້ຳຂອງ – ແມ່ນໍ້າລ້ານຊ້າງ ລະຫວ່າງ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຫຼວງນໍ້າທາ ສປປ ລາວ ແລະ ຫ້ອງການກະສິກໍາ ກິ່ງແຂວງສິບສອງພັນນາ ແຂວງຢູນນານ ສປ ຈີນ ເຫັນໄດ້ຄວາມສຳຄັນໃນການຄຸ້ມຄອງ, ປົກປັກຮັກສາຊະນິດພັນປາທຳມະຊາດ ຈຶ່ງໄດ້ພົວພັນ ແລະ ສົມທົບກັນເພື່ອສ້າງກິດຈະກຳປ່ອຍປາລົງສູ່ແມ່ນ້ຳທຳມະຊາດໃນຄັ້ງນີ້.

ທັງເປັນການເພີ່ມທະວີສາຍພົວພັນອັນດີງາມຂອງສອງຊາດລາວ – ຈີນ, ຈີນ – ລາວ ໂດຍສະເພາະແມ່ນປະຊາຊົນແຂວງຢູນນານ ແລະ ປະຊາຊົນແຂວງຫຼວງນ້ຳທາໃຫ້ແໜ້ນແຟ້ນຍິ່ງໆຂຶ້ນ.

ຂ່າວ: ມຸນຕີ ໄຊຍະສິດທິວົງ