ແຕ່ງຕັ້ງພະນັກງານຫຼັກແຫຼ່ງລະດັບຄຸ້ມຄອງຫຼາຍຕໍາແໜ່ງ ຢູ່ເມືອງໄຊບູລີ

115

ທີ່ສະໂມສອນຫ້ອງວ່າການປົກຄອງເມືອງໄຊບູລີ ແຂວງສະຫວັນນະເຂດ ໄດ້ຈັດພິທີປະກາດການຈັດຕັ້ງເຄື່ອນຍ້າຍ ແລະ ສັບຊ້ອນພະນັກງານນໍາພາຄຸ້ມຄອງຢູ່ຂັ້ນເມືອງ ໂດຍການ ເປັນປະທານຂອງ ທ່ານ ອ່ອນລໍາພັນ ບົວສີແກ້ວ ເຈົ້າເມືອງໄຊບູລີ ມີບັນດາທ່ານຫົວໜ້າຫ້ອງການ, ຄະນະຫ້ອງການ ຕະຫຼອດຮອດນາຍບ້ານ 54 ບ້ານ ໃນທົ່ວເມືອງເຂົ້າຮ່ວມຢ່າງພ້ອມພຽງ ໃນວັນທີ 26 ຕຸລາ 2021 ນີ້.

May be an image of one or more people and people standing

ທ່ານເຈົ້າເມືອງໄຊບູລີ ໄດ້ອອກຂໍ້ຕົກລົງດ້ວຍການແຕ່ງຕັ້ງຫົວໜ້າ ແລະ ຮອງຫົວໜ້າຫ້ອງການ ເຊິ່ງໄດ້ມີການຕົກລົງແຕ່ງຕັ້ງ ທ່ານ ແສງສະຫວັນ ພົມມະບຸດ ຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວລ້ອມເມືອງ ມາເປັນຫົວໜ້າຄະນະຈັດຕັ້ງເມືອງ, ແຕ່ງຕັ້ງ ທ່ານ ລໍາພອນ ສີວິໄລສຸກ ພະນັກງານຂະແໜງຈັດຕັ້ງ-ບໍລິຫານ ແລະ ການເງິນພະແນກໂຍທາທິການ ແລະ ຂົນສົ່ງແຂວງ ເປັນຮອງຫົວໜ້າຫ້ອງການ ຍທຂ ເມືອງໄຊບູລີ; ແຕ່ງຕັ້ງ ທ່ານ ທະນູໄຊ ນິນນະໂສພາ ໜ່ວຍງານຫ້ອງວ່າການເມືອງ ຂຶ້ນເປັນຮອງຫົວໜ້າຫ້ອງການ ຍທຂ ເມືອງ.

ແຕ່ງຕັ້ງ ທ່ານ ສີດໍາ ຄໍາທະຈັນ ຮອງປະທານກວດກາພັກ-ລັດເມືອງ ຍ້າຍໄປເປັນຮອງຫົວໜ້າຫ້ອງການ ຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ, ແຕ່ງຕັ້ງ ທ່ານ ວົງເດືອນ ອ່ອນແກ້ວ ພະນັກງານພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ເປັນຫົວໜ້າຫ້ອງການຊັບພະຍາກອນ ແລະ ທໍາມະຊາດເມືອງໄຊບູລີ.

May be an image of 1 person, standing and indoor

ຄະນະປະຈໍາພັກເມືອງໄຊບູລີ ກໍຍັງໄດ້ມີມະຕິຕົກລົງແຕ່ງຕັ້ງ ສະຫາຍ ແສງສະຫວັນ ພົມມະບຸດ ຄະນະປະຈໍາພັກເມືອງເປັນຜູ້ຊີ້ນໍາ 2 ກຸ່ມບ້ານ ຄື: ກຸ່ມຍາງຄໍ້າ ແລະ ກຸ່ມສາລະພູມ. ແຕ່ງຕັ້ງ ສະຫາຍ ສຸວັນທອນ ທິບທິລາດ ກໍາມະການພັກເມືອງ ເປັນຜູ້ຊີ້ນໍາກຸ່ມແກ້ງກະເບົາ ພ້ອມທັງຊີ້ນໍາບ້ານຍາງຄໍ້າ ບ້ານໃຫຍ່ ຄ້າຍຄືຕົວເມືອງນ້ອຍ, ແຕ່ງຕັ້ງ ສະຫາຍ ນາງ ພິດສະໄໝ ອິນທະວົງ ກໍາມະການພັກເມືອງຊີ້ນໍາກຸ່ມຍາງຄໍ້າ.

ຈາກ: ວິທະຍຸກະຈາຍສຽງແຂວງສະຫວັນນະເຂດ