ສູນພັດທະນາສີມືແຮງງານ ປຸກລະດົມກັນບໍລິຈາກເລືອດໃຫ້ສູນເລືອດແຂວງອຸດົມໄຊ

111

ສູນເລືອດແຂວອຸດົມໄຊ ນໍາໂດຍ ທ່ານ ສັງທອງ ສັນຕິສຸກ ຫົວໜ້າສູນເລືອດແຂວງອຸດົມໄຊ ພ້ອມດ້ວຍຄະນະ ໄດ້ລົງເຄື່ອນໄຫວປຸກລະດົມ ແລະ ຮັບການບໍລິຈາກເລືອດຢູ່ສູນພັດທະນາສີມືແຮງງານ ແຂວງອຸດົມໄຊ ໃນທ້າຍອາທິດຜ່ານມານີ້ ເຊິ່ງມີ ທ່ານ ທອງຈັນ ສຸກສັກດາ ຮອງຫົວໜ້າອົງການກາແດງປະຈຳແຂວງ, ທ່ານ ສົມພອນ ນາວຮືວາງ ຫົວໜ້າສູນພັດທະນາສີມືແຮງງານ, ມີພະນັກງານອາຈານ ແລະ ນັກສຶກສາເຂົ້າຮ່ວມ.

May be an image of 19 people and people standing

ນັກສຶກສາສະໝັກເຂົ້າຮ່ວມບໍລິຈາກເລືອດທັງໝົດ 28 ຄົນ ຍິງ 9 ຄົນ, ຜູ້ທີ່ຜ່ານການກວດສຸຂະພາບຈາກວິຊາການ ແລະ ມາດຖານເງື່ອນໄຂທີ່ໄດ້ກຳນົດໄວ້ທັງໝົດ 22 ຄົນ ຍິງ 7 ຄົນ ແລະ ໄດ້ຮັບເລືອດຕົວຈິງທັງໝົດ 22 ຖົງ.

ຈາກນັ້ນ, ກໍໄດ້ມີການມອບໃບຍ້ອງຍໍໃຫ້ແກ່ສູນພັດທະນາສີມືແຮງງານທີ່ເປັນກົມກອງດີເດັ່ນໃນການເປັນເຈົ້າການ ແລະ ໃຫ້ການຮ່ວມມືການບໍລິຈາກເລືອດໃນປີ 2020 ຜ່ານມາ.