ກອງພັນນ້ອຍ 404 ຮ່ວມແຮງຜະລິດຫຼຸດຜ່ອນລາຍຈ່າຍ ພ້ອມສ້າງລາຍຮັບເຂົ້າກົມກອງ

147

ກອງພັນນ້ອຍ 404 ພ້ອມພຽງກັນປັບປຸງ ກໍ່ສ້າງກົມກອງໃຫ້ມີຄວາມເຕີບໃຫຍ່, ຂະຫຍາຍຕົວເຂັ້ມແຂງຂຶ້ນໄປ ຖືສຳຄັນໃນວຽກງານພະລາທິການ ການພັດທະນາກົມກອງໃຫ້ກ້າວຂຶ້ນສູ່ຄວາມສີວິໄລໄດ້ຢ່າງໝັ້ນຄົງ ແລະ ໄປຕາມທິດຊີ້ນໍາຂອງກົມໃຫຍ່ພະລາທິການກອງທັບ.

May be an image of one or more people, people standing, outdoors and tree

ຄືທິດຊີ້ນໍາຂອງຫ້ອງພະລາທິການ ກອງພົນທະຫານຮາບທີ 2 ວາງອອກວ່າດ້ວຍການປູກ-ການລ້ຽງ ຕາມທິດນໍາເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ທີ່ກົມໃຫຍ່ພະລາທິການກອງທັບວາງອອກໂດຍປີ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກໃຫ້ປາກົດຜົນເປັນຈິງ.

May be an image of one or more people, people standing and grass

ຄະນະພັກ-ຄະນະບັນຊາ ກອງພັນນ້ອຍ 404 ກໍໄດ້ຈັດຕັ້ງປຸກລະດົມຈິດໃຈໃຫ້ພະນັກງານ-ນັກຮົບພາຍໃນກົມກອງຂອງຕົນເອງເຮັດສວນມັນຕົ້ນ ແລະ ເຮັດນາປີຂອງກົມກອງໃນເນື້ອທີ່ດິນທັງໝົດ 4 ເຮັກຕາ, ໃນນີ້: ສວນມັນຕົ້ນມີເນື້ອທີ່ 3 ເຮັກຕາ ຄາດຄະເນຜົນໄດ້ຮັບ 30 ໂຕນຕໍ່ປີ ແລະ ປູກເຂົ້ານາປີ ມີເນື້ອທີ່ 0,30 ເຮັກຕາ ຄາດຄະເນຜົນໄດ້ຮັບ 1,5 ໂຕນຕໍ່ປີ, ເປົ້າໝາຍຍົກລະດັບສ້າງ ຄວາມເຂັ້ມແຂງຂອງພະນັກງານ-ນັກຮົບພາຍໃນກົມກອງໃຫ້ມີຊີວິດການເປັນຢູ່ດີຂຶ້ນ.

ການເກັບກູ້ຜົນຜະລິດແມ່ນໄດ້ມີຂຶ້ນໃນຕອນເຊົ້າວັນທີ 18 ຕຸລາ 2021 ນີ້, ກອງພັນນ້ອຍ 404 ທີ່ຂຶ້ນກັບກອງພັນໃຫຍ່ 201 ໃນກອງພົນທີ 2 ໄດ້ພ້ອມກັນລົງມືເກັບກູ້ຜົນລະປູກປະຈຳລະດູ ໂດຍການຊີ້ນຳ-ນຳພາຂອງ ສະຫາຍ ພັນໂທ ອຳພອນ ແສງດາລາ ຮອງເລຂາຄະນະພັກຮາກຖານ ຫົວໜ້າການທະຫານ ກອງພັນນ້ອຍ 404 ພ້ອມດ້ວຍພະນັກງານ-ນັກຮົບພາຍໃນກົມກອງ ພ້ອມພຽງຮຽງໜ້າກັນໃນການເກັບກູ້ຜົນລະປູກຄັ້ງນີ້ຢ່າງພ້ອມພຽງ.