ເມືອງຈຳພອນ ເລັ່ງສັກວັກແຊັງຮອບໃໝ່ໃຫ້ຄົບຕາມລັດຖະບານກຳນົດ 50% ຂອງປະຊາກອນທັງໝົດໃນປີ 2021

145

ດັ່ງທີ່ລັດຖະບານໄດ້ເນັ້ນໜັກມາຕະຫຼອດ ເຖິງວ່າການສັກວັກແຊັງຈະບໍ່ສາມາດຕ້ານໂຄວິດໄດ້ 100%ແຕ່ວ່າການສັກວັກແຊັງກໍເປັນການຫຼຸດຜ່ອນຄວາມຮ້າຍແຮງ ແລະ ສ້າງພູມຄຸ້ມກັນໃຫ້ກັບຮ່າງກາຍ ນີ້ເປັນວຽກບຸລິມະສິດທີ່ຕ້ອງເຮັດໃຫ້ໄດ້ຕາມກຳນົດເປົ້າໝາຍ 50% ຂອງປະຊາກອນທັງໝົດໃນປີ 2021.

May be an image of 1 person and standing

ທ່ານ ດຣ. ພອນສະຫວັນ ອິນສີຊຽງໃໝ່ ຫົວໜ້າຫ້ອງການສາທາລະນະສຸກເມືອງຈຳພອນ ໃຫ້ຮູ້ກ່ຽວກັບການສັກວັກແຊັງຕ້ານພະຍາດໂຄວິດ-19 ໃຫ້ພໍ່ແມ່ປະຊາຊົນ ແລະ ກຸ່ມເປົ້າໝາຍພາຍໃນເມືອງ ເຊິ່ງໃນອາທິດທີ່ຜ່ານມາ ວັນທີ 11 ຕຸລາ ສາທາລະນະສຸກເມືອງສາມາດສັກວັກແຊັງໄດ້ທັງໝົດ 28% ເຊິ່ງເປົ້າໝາຍພາຍໃນເມືອງແມ່ນໃຫ້ປະຊາຊົນໄດ້ຮັບວັກແຊັງ ຈຳນວນ 70%ຂອງປະຊາກອນທັງໝົດ.

ພາຍໃນເມືອງມີທັງໝົດ 170 ບ້ານ, ມີຈຸດຮັບວັກແຊັງແມ່ນໂຮງໝໍເມືອງຈໍາພອນ ແລະ ອີກ 18 ຈຸດຂອງໂຮງໝໍນ້ອຍໃນທົ່ວເມືອງ, ປະຊາກອນທັງໝົດມີ 70.000 ກວ່າຄົນ , ອາຍຸ 60 ປີຂື້ນໄປມີ 5.000 ກວ່າຄົນ, ຜູ້ທີ່ມີພະຍາດຊໍ້າເຮື້ອ 4.000 ກວ່າຄົນ, ໄດ້ຮັບວັກແຊັງແລ້ວ 33.111 ຄົນ ແລະ ຍັງຈະສືບຕໍ່ສັກວັກແຊັງໃຫ້ພໍ່ແມ່ປະຊາຊົນຄົບຕາມຈຳນວນທີ່ກຳນົດໄວ້.

May be an image of one or more people, people sitting and people standing

ນອກນັ້ນ, ທາງສາທາລະນະສຸກເມືອງຍັງໄດ້ເລັ່ງໃສ່ວຽກງານປ້ອງກັນພະຍາດໄຂ້ເລືອດອອກທີ່ມາໃນໄລຍະລະດູຝົນ, ໃນນີ້ມີບ້ານທີ່ເຝົ້າລະວັງ ຈຳນວນ 87 ບ້ານທີ່ເຄີຍເກີດມີການລະບາດ ແລະ ທາງສາທາລະນະສຸກເມືອງກໍໄດ້ຈັດສົ່ງພະນັກງານລົງສຳຫຼວດໜອນນ້ຳພ້ອມທັງຈັດຊຸດຝືກອົບຮົມໃຫ້ແກ່ພະນັກງານວິຊາການອີກດ້ວຍ.

ຈາກ: ວິທະຍຸກະຈາຍວຽງ ແຂວງ ສະຫວັນນະເຂດ