ຕາຍເກືອບທຸກມື້! ມື້ນີ້ ສປປ ລາວ ກວດພົບຜູ້ຕິດເຊື້ອໃໝ່ 545 ຄົນເສຍຊີວິດເພີ່ມ 2 ຄົນ

233

ຕາມການຖະແຫຼງຂ່າວຂອງ ທ່ານ ນາງ ດຣ. ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ປະຈຳວັນທີ 16 ຕຸລາ 2021  ກ່າວວ່າ: ວັນທີ 15 ຕຸລາ 2021 ທົ່ວປະເທດໄດ້ເກັບຕົວຢ່າງມາກວດຫາເຊື້ອໂຄວິດ-19 ທັງໝົດ 6.602 ຕົວຢ່າງ ຜົນກວດອອກມາພົບຜູ້ຕິດເຊື້ອໃໝ່ 545 ຄົນ.

May be an image of one or more people and people sitting

ຕິດເຊື້ອພາຍໃນປະເທດ 542 ຄົນ ແລະ ເດີນທາງຈາກຕ່າງປະເທດ 3 ຄົນ (ແຂວງສະຫວັນນະເຂດ) ເຮັດໃຫ້ຕົວເລກຜູ້ຕິດເຊື້ອສະສົມ ໃນ ສປປ ລາວ ປັດຈຸບັນ 31.733 ຄົນ, ເສຍຊີວິດສະສົມ 38 ຄົນ (ໃໝ່ 2 ຄົນ), ປົວຫາຍດີໃໝ່ 379 ຄົນ,ຈໍານວນທີ່ຍັງປິ່ນປົວ 7.596 ຄົນ ໝາຍວ່າມີຜູ້ປິ່ນປົວຫາຍດີ ແມ່ນມີ 69% ທຽບໃສ່ຈໍານວນຜູ້ຕິດເຊື້ອທັງໝົດ.

ລາຍລະອຽດຕົວເລກຜູ້ຕິດເຊື້ອຈໍານວນ 545 ຄົນມີດັ່ງນີ້:

1 ໃນນະຄອນຫຼວງວຽງຈັນ 164 ຄົນ: ເມືອງຈັນທະບູລີ 10 ບ້ານ 34 ຄົນ, ເມືອງສີໂຄດຕະບອງ ມີ 16 ບ້ານ 22 ຄົນ, ເມືອງໄຊເສດຖາ ມີ 12 ບ້ານ 39 ຄົນ, ເມືອງສີສັດຕະນາກ ມີ 11 ບ້ານ 15 ຄົນ, ເມືອງນາຊາຍທອງ 7 ບ້ານ 18 ຄົນ, ເມືອງໄຊທານີມີ 12 ບ້ານ 23 ຄົນ (ບ້ານສົມສະຫວັນ ສູນຫຼັກ 27 ມີ 5 ຄົນ, ເມືອງຫາດຊາຍຟອງ ມີ 5 ບ້ານ 8 ຄົນ ແລະ ຍັງສືບຕໍ່ເອົາຂໍ້ມູນ 5 ຄົນ.

2 ແຂວງຄໍາມ່ວນ 241 ຄົນ: ເມືອງທ່າແຂກ 240 ຄົນ (ໃນສະຖານທີ່ຄຸມຂັງ 239 ຄົນ), ພະນັກງານໃນສະຖານທີ່ຄຸມຂັງ 1ຄົນ, ເມືອງຫີນບູນ ບ້ານຄໍາແກ້ວ 1 ຄົນ.

3 ແຂວງວຽງຈັນ 43 ຄົນ: ເມືອງແກ້ວອຸດົມ ມີ 32 ຄົນ ໃນ 8 ບ້ານ, ເມືອງວັງວຽງ 8 ຄົນ 6 ບ້ານ, ເມືອງໂພນໂຮງ 3 ຄົນ.

4 ແຂວງຫຼວງພະບາງ 42 ຄົນ: ນະຄອນຫຼວງພະບາງ ມີ 12 ບ້ານ 26 ຄົນ, ເມືອງນໍ້າບາກ 4 ບ້ານ 6 ຄົນ, ເມືອງປາກອູ 1ບ້ານ 7 ຄົນ, ເມືອງວຽງຄໍ່ 1 ບ້ານ 2 ຄົນ ແລະ ເມືອງງອຍ 1 ບ້ານ 1 ຄົນ.

5 ແຂວງບໍ່ແກ້ວ ມີ 10 ຄົນ ເມືອງຫ້ວຍຊາຍ 7 ຄົນ 2 ບ້ານ, ເມືອງຕົ້ນເຜິ້ງ 3 ຄົນ.

6 ແຂວງຫຼວງນໍ້າທາ 9 ຄົນ; ໃນນີ້ 5 ຄົນ ເປັນສັັນຊາດລາວ ແລະ ອີກ 4 ຄົນເປັນຄົນສັນຊາດຈີນ ເດີນທາງຈາກນະຄອນຫຼວງວຽງຈັນ ມີ 7 ຄົນ (ເປັນຄົນຈີນ 4 ຄົນ ແລະ ເປັນຄົົນລາວ 3 ຄົນ ) ແລະ ອີກ 2 ຄົນເປັນຄົນລາວເດີນທາງຈາກແຂວງຜົ້ງສາລີ ແລະ ແຂວງອຸດົມໄຊ ເພື່ອໄປເຮັດວຽກຢູ່ເມືອງຕົ້ນເຜິ້ງ ແຂວງບໍ່ແກ້ວ.

7 ແຂວງສະຫວັນນະເຂດ 8 ຄົນ ມິນະຄອນໄກສອນ ມີ 7 ຄົນ ໃນ 4 ບ້ານ, ເມືອງຈໍາພອນ ບ້ານຫຼັກ 35 ມີ 1 ຄົນ.

8 ແຂວງບໍລິຄໍາໄຊ 8 ຄົນ, ໃນນີ້ຢູ່ເມືອງປາກຊັນ ແລະ ເມືອງປາກກະດິງ.

9 ແຂວງຈໍາປາສັກ 7 ຄົນ ນະຄອນປາກເຊ ມີ 4 ຄົນໃນ 4 ບ້ານ, ເມືອງບາຈຽງຈະເລີນສຸກ ມີ 2 ຄົນ 2 ບ້ານ, ເມືອງປະທຸມພອນ 1 ຄົນ.

10 ແຂວງໄຊສົມບູນ 5 ຄົນ: ເມືອງລ້ອງຊານ ມີ 4 ຄົນ 3 ບ້ານ ແລະ ເມືອທ່າໂທມ 1 ຄົນ.

11 ແຂວງສາລະວັນ 5 ຄົນ: ບ້ານໂພນແກ້ວ 4 ຄົນ ແລະ ບ້ານນາດອນຂວາງ ມີ 1 ຄົນ.