ແຈ້ງການດ່ວນ! ຫົວພັນ ຜ່ອນຜັນຫຼາຍມາດຕະການ ແລ້ວ

142

ສຳລັບແຂວງຫົວພັນ ກໍຍັງຄົງເປັນແຂວງໜຶ່ງດຽວໃນ ສປປ ລາວ ທີ່ບໍ່ພົບຜູ້ຕິດເຊື້ອພະຍາດໂຄວິດ-19 ແຕ່ແຂວງກໍປະກາດປິດການເຂົ້າ-ອອກ ເພື່ອບໍ່ໃຫ້ເຊື້ອພະຍາດເຂົ້າໄປລະບາດຢູ່ໃນຊຸມຊົນ ແລະ ຫຼ້າສຸດນີ້ ຫົວພັນ ໄດ້ປະກາດຜ່ອນຜັນມາດຕະການຕ່າງໆ ຖືວ່າເປັນສິ່ງທີ່ດີເມື່ອງບໍ່ມີໂຄວິດຕ້ອງເປີດໃຫ້ປະຊາຊົນເສດຖະກິດ.

ແຈ້ງການຫຼ້າສຸດນີ້ຈາກແຂວງຫົວພັນ ເລກທີ 319/ຈຂ.ຫພ ລົງວັນທີ 14 ຕຸລາ 2021 ທີ່ມີການຜ່ອນຜັນ ແລະ ອະນຸຍາດດຳເນີນຫຼາຍວຽກງານຕາມປົກກະຕິໄດ້ ແຕ່ກໍມີບາງວຽກງານກໍຕ້ອງຍັງປະຕິບັດມາດຕະການຕໍ່ໄປ ເຊິ່ງສະຖານະການທີ່ແຂວງຫົວພັນໃນປັດຈຸບັນກໍຖືວ່າຢູ່ໃນສະພາບການທີ່ດີ ແຕ່ວ່າສຳລັບໃຜທີ່ຈະເດີນທາງເຂົ້າທີ່ແຂວງດັ່ງກ່າວກໍຕ້ອງປະຕິບັດຕາມມາດຕະການທີ່ວາງອອກ, ອະນຸຍາດໃຫ້ເປີດບໍລິການລົດຂົນສົ່ງໂດຍສານພາຍໃນແຂວງ ຫາ ເມືອງຢ່າງເປັນປົກກະຕິ.

No photo description available.

May be an image of text

ອະນຸຍາດໃຫ້ລົດບັນທຸກສິນຄ້າທັງພາຍໃນ ແລະ ຕ່າງປະເທດ ເຂົ້າ-ອອກ ແຂວງຫົວພັນໄດ້ ແຕ່ຕ້ອງປະຕິບັດການປ່ຽນຖ່າຍໂຊເຟີລົດຢູ່ຈຸດກວດກາ ຫຼື ດ່ານຊາຍແດນ ລະຫວ່າງປະເທດ ພ້ອມສີດຢາຂ້າເຊື້ອລົດຄັກແນ່ແລ້ວຈຶ່ງສາມາດເຂົ້າແຂວງຫົວພັນໄດ້.

ຍັງອະນຸຍາດໃຫ້ພະນັກງານ ລວມທັງພາກລັດ ແລະ ເອກະຊົນ ໄປການປົກກະຕິໄດ້ ແຕ່ຕ້ອງປະຕິມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ (ຜູ້ທີ່ບໍ່ມີບັດສັກຢາວັກແຊັງ ຫ້າມເຂົ້າປະຈໍາການ ຍົກເວັ້ນຜູ້ທີ່ມີໃບຢັ້ງຢືນຈາກແພດ), ອະນຸຍາດໃຫ້ເປີດການຮຽນ-ການສອນທຸກຊັ້ນຮຽນທົ່ວແຂວງ ແລະ ສາມາດຫຼີ້ນກີລາທຸກປະເພດ ແລະ ອະນຸຍາດໃຫ້ຈັດງານບຸນປະເພນີ ແຕ່ຜູ້ເຂົ້າຮ່ວມງານບໍ່ເກີນ ຈໍານວນ 500 ຄົນ.

ອະນຸຍາດໃຫ້ຈັດງານລ້ຽງໄດ້ ແຕ່ພາກເອກະຊົນມີຜູ້ເຂົ້າຮ່ວມບໍ່ໃຫ້ເກີນ 100 ຄົນ, ສໍາລັບງານລ້ຽງຂອງພາກລັດຜູ້ເຂົ້າຮ່ວມບໍ່ໃຫ້ເກີນ 50 ຄົນ, ອະນຸຍາດໃຫ້ຈັດກອງປະຊຸມໄດ້ (ສະເພາະຄົນພາຍໃນແຂວງຫົວພັນເທົ່ານັ້ນ ແຕ່ວ່າກໍານົດເວລາການຈັດງານລ້ຽງພາກລັດບໍ່ເກີນ 2 ຊົ່ວໂມງ (ຖ້າແມ່ນຕອນຄ່ຳ 21:00 ໂມງ) ແລະ ພາກເອກະຊົນບໍ່ໃຫ້ເກີນ 3 ຊົ່ວໂມງ ( 22:00 ໂມງ).