ລາວເຮົາມີຜູ້ທີ່ຕິດເຊື້ອທັງໝົດ 85% ແມ່ນບໍ່ໄດ້ສັກວັກແຊັງ

123

ທ່ານ ສະໜອງ ທອງຊະນະ ຮອງລັດຖະມົນຕີ, ກະຊວງສາທາລະນະສຸກ ເຜີຍສໍາຄັນທີ່ກະຊວງສາທາລະນະສຸກໄດ້ລາຍງານການທົບທວນຄືນສະຖິຕິຄົນຕິດເຊື້ອໂຄວິດ-19 ທັງໝົດໃນປະເທດເຮົາພົບວ່າມີຜູ້ຕິດເຊື້ອເຖິງ 85% ຂອງຈໍານວນທັງໝົດບໍ່ໄດ້ສັກວັກແຊັງເລີຍ ເຊັ່ນດຽວກັນ ກໍມີປະມານ 84,6% ຂອງຄົນເສຍຊີວິດ ຍ້ອນພະຍາດໂຄວິດ-19 ທັງໝົດໃນປະເທດເຮົາ ບໍ່ໄດ້ສັກວັກແຊັງ ແລະ ເປັນຄົນທີ່ມີພະຍາດປະຈໍາຕົວ.

May be an image of 1 person and sitting

ຂ້າພະເຈົ້າຍັງຢັ້ງຢືນວ່າ ວັກແຊັງແມ່ນທາງເລືອກເພື່ອປ້ອງກັນການຕິດເຊື້ອ ແລະ ການເສຍຊີວິດ, ສະນັ້ນໃຜບໍ່ທັນສັກວັກແຊັງ ຫຼື ຄອບຄົວໃດມີຜູ້ອາຍຸສູງ ຫຼື ມີພະຍາດປະຈໍາຕົວ ທີ່ບໍ່ທັນໄດ້ສັກວັກແຊັງ ກໍຂໍໃຫ້ຕັດສິນໃຈມາສັກວັກແຊັງຕາມຈຸດຕ່າງໆທີ່ກໍານົດຂອງນະຄອນຫຼວງວຽງຈັນ ແລະ ບັນດາແຂວງ.

ເມື່ອສັກວັກແຊັງແລ້ວທ່ານຍັງຕ້ອງໄດ້ສືບຕໍ່ປ້ອງກັນຕົນເອງຕໍ່ໄປເລື້ອຍໆ ເພື່ອຫຼຸດໂອກາດສ່ຽງຕໍ່ການຕິດເຊື້ອພະຍາດນີ້. ມີພຽງແຕ່ບາງກຸ່ມຄົນທີ່ມີຂໍ້ຫ້າມ ແລະ ຂໍ້ຈຳກັດໃນການສັກວັກແຊັງເຊັ່ນ: ຍິງຖືພາຫຼຸດ 12 ອາທິດ, ຜູ້ທີ່ກຳລັງໄດ້ຮັບການສາຍແສງ ຫຼື ເຄມີບຳບັດ ແລະ ເດັກນ້ອຍ.

ປັດຈຸບັນທົ່ວປະເທດເຮົາມີຄວາມຄືບໜ້າການສັກວັກແຊັງເຂັມທີໜຶ່ງແມ່ນ 3.070.285 (ປົກຄຸມ 41,84%) ແລະ ເຂັມຄົບໂດສ ແມ່ນ 2.256.693 (30,75%).

ສໍາລັບຈຸດບໍລິການວັກແຊັງຢູ່ນະຄອນຫຼວງວຽງຈັນ ມີຄື:

1 ໂຮງໝໍສູນກາງ

2 ໂຮງໝໍເມືອງ 9 ຕົວເມືອງ

3 ວັດຈີນ ບ້ານດົງປາແລບ ເມືອງຈັນທະບູລີ (ເປີດ ວັນຈັນ ຫາ ວັນສຸກ)

4 ສໍາລັບຈຸດບໍລິການສູນການຄ້າລາວ-ໄອເຕັກ ຈະໄດ້ເປີດໃຫ້ບໍລິການທ່ານເລີ່ມແຕ່ວັນທີ 11-15 ຕຸລາ 2021.