ມາເບິ່ງການເກັບກູ້ຜົນຜະລິດຂອງຊາວກະສິກອນເມືອງເງິນ ແຂວງໄຊຍະບູລີ

76

ອີງຕາມການລາຍງານຈາກໜ່ວຍງານປູກຝັງຂອງຫ້ອງການກະສິກຳ ແລະ ປ່າໄມ້ເມືອງເງິນ ໃນຄັ້ງວັນທີ 12 ຕຸລາ 2021 ນີ້ ໃຫ້ຮູ້ວ່າ: ປັດຈຸບັນຊາວກະສິກອນທົ່ວເມືອງເງິນ ແຂວງໄຊຍະບູລີ ແມ່ນພວມສຸມໃສ່ການເກັບກູ້ພືດລະດູຝົນຢ່າງເປັນຂະບວນຟົດຟື້ນ ເປັນຕົ້ນແມ່ນ: ການເກັບກ່ຽວເຂົ້ານາປີ.

ຊາວນາເມືອງເງິນ ໄດ້ເລີ່ມລົງມືເກັບກ່ຽວມາແຕ່ທ້າຍເດືອນກັນຍາ 2021 ມາຮອດປັດຈຸບັນນີ້ແມ່ນສຳເລັດໄປແລ້ວ 70% ຂອງເນື້ອທີ່ທັງໜົດ 717,86 ເຮັກຕາ ແລະ ເຂົ້າເນີນສູງ ຈໍານວນ 1.623,51 ເຮັກຕາ, ສໍາເລັດແລ້ວ 75% ຂອງເນື້ອທີ່ທັງໝົດ.

ຄາດວ່າຈະໃຫ້ສໍາເລັດທ້າຍເດືອນພະຈິກ 2021 ນີ້, ໄປພ້ອມໆກັບການເກັບກ່ຽວເຂົ້ານາປີ ແລະ ເຂົ້າເນີນສູງແລ້ວ ຍັງໄດ້ສຸມໃສ່ການການເກັບກູ້ພືດລະດູຝົນອື່ນໆ ເປັນຕົ້ນແມ່ນ: ໜາກເດືອຍ ແລະ ສາລີແຂງ ຈໍານວນໜຶ່ງ ເຊິ່ງໄດ້ສຳເລັດແລ້ວ 23% ຂອງເນື້ອທີ່ທັງໝົດ 6.005 ເຮັກຕາ.

May be an image of 1 person

ທາງໜ່ວຍງານປູກຝັງຂອງຫ້ອງການກະສິກຳ ແລະ ປ່າໄມ້ເມືອງ ຍັງໄດ້ລາຍງານໃຫ້ຮູ້ຕື່ມວ່າ: ພາຍຫຼັງສໍາເລັດການເກັບກູ້ພືດລະດູຝົນແລ້ວ ຍັງຈະໄດ້ສືບຕໍ່ລົງຊຸກຍູ້ສົ່ງເສີມໃຫ້ພໍ່ແມ່ປະຊາຊົນປູກພຶດລະດູແລ້ງ ໃຫ້ໄດ້ 715 ເຮັກຕາ ເປັນຕົ້ນແມ່ນ: ໝາກຖົ່ວ, ໝາກແຕງ, ສາລີຫວານ, ຜັກບົ່ວ, ຜັກທຽມ, ໝາກເຜັດ, ໝາກເຂືອ ແລະ ສະໜອງເນື້ອທີ່ ຈໍານວນ 270 ເຮັກຕາ ເພື່ອນໍາໃຊ້ເຂົ້າໃນການປູກໝາກໂມ.