ມື້ນີ້ບ້ານເຂດແດງໃໝ່ມີ 7 ບ້ານ ຈາກ 4 ເມືອງ ໃນນະຄອນຫຼວງວຽງຈັນ

190

ລາຍງານສະພາບການລະບາດຂອງພະຍາດໂຄວິດ ປະຈໍາວັນທີ 11 ຕຸລາ 2021 ໂດຍ ທ່ານ ດຣ. ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ກ່າວວ່າ: ສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ວັນທີ 10 ຕຸລາ 2021, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 3.600 ຕົວຢ່າງ, ໃນນັ້ນກວດພົບຜູ້ຕິດເຊືື້ອໃໝ່ 309 ຄົນ (ຕິດເຊື້ອພາຍໃນ ມີ 303 ຄົນ ແລະ ຕິດເຊື້ອນໍາເຂົ້າ 6 ຄົນ ຈາກນະຄອນຫຼວງວຽງຈັນ 3 ຄົນ ແລະ ສະຫວັນນະເຂດ 3 ຄົນ).

ໄດ້ລາຍງານບ້ານແດງໃໝ່ວັນທີ 10 ຕຸລາມີ 10 ບ້ານ ຈາກ 6 ເມືອງ 3 ແຂວງ ດັ່ງນີ້:

ນະຄອນຫຼວງວຽງຈັນ 7 ບ້ານ ຈາກ 4 ເມືອງ ຄື: ເມືອງສີສັດຕະນາກ ມີບ້ານທາດຂາວ ແລະ ສີເມືອງ; ເມືອງໄຊເສດຖາ ບ້ານໄນຄໍາ; ເມືອງໄຊທານີ ບ້ານນາແຖ ແລະ ບ້ານດົງສ້າງຫີນ; ເມືອງຫາດຊາຍຟອງ ບ້ານສົມຫວັງໃຕ້ ແລະ ບ້ານທ່າແຂກ.ມື້ນີ້ບ້ານເຂດແດງໃໝ່ມີ 7 ບ້ານ ຈາກ 4 ເມືອງ ໃນນະຄອນຫຼວງວຽງຈັນ

ແຂວງຫຼວງພະບາງ ນະຄອນຫຼວງພະບາງ ມີບ້ານນາວຽງຄໍາ ແລະ ບ້ານສິງ.

ແຂວງບໍລິຄໍາໄຊ ເມືອງປາກຊັນ ບ້ານອານຸສອນໄຊ.

ລວມຍອດຜູ້ຕິດເຊື້ອວັນທີ 10 ຕຸລາ 2021 ຍອດຜູ້ຕິດເຊື້ອສະສົມມີ 28.850 ຄົນ, ເສຍຊີວິດສະສົມ 30 ຄົນ (ໃໝ່ 4 ກໍລະນີ) ແລະ ປິ່ນປົວດີ 261 ຄົນ.