ພົບຜູ້ຕິດເຊື້ອໃໝ່ 307 ຄົນ, ຊຸມຊົນ 301 ຄົນ ໃນນັ້ນນະຄອນຫຼວງຫຼາຍກ່ອນໝູ່ 164 ຄົນ, ຫຼວງພະບາງ 47 ຄົນ

219

ສະຖານະການໂຄວິດ 19 ໃນ ສປປ ລາວ ປະຈໍາວັນທີ 4 ຕຸລາ 2021 ພົບຜູ້ຕິດເຊື້ອໃໝ່ 307 ຄົນ, ນໍາເຂົ້າ 6 ຄົນ, ຊຸມຊົນ 301 ຄົນ ໃນນັ້ນນະຄອນຫຼວງຫຼາຍກ່ອນໝູ່ 164 ຄົນ ຮອງລົງມາແມ່ນແຂວງ ຫຼວງພະບາງ 47 ຄົນ

ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຖະແຫຼງຂ່າວປະຈໍາວັນທີ 4 ຕຸລາ 2021 ວ່າ ເຮົາໄດ້ກວດວິເຄາະເຊື້ອທັງໝົດໃນມື້ວານນີ້ ພົບຜູ້ຕິດເຊື້ອໃໝ່ 307 ຄົນ, ນໍາເຂົ້າ 6 ຄົນ ຈາກສະຫວັນນະເຂດ 4 ຄົນ, ນະຄອນຫຼວງວຽງຈັນ 1 ຄົນ ແລະ ສາລະວັນ 1 ຄົນ

ຕິດເຊື້ອໃນຊຸມຊົນ 301 ຄົນ ຈາກນະຄອນຫຼວງວຽງຈັນ 164 ຄົນ, ຫຼວງພະບາງ 47 ຄົນ, ສະຫວັນນະເຂດ 32 ຄົນ, ຈໍາປາສັກ 19 ຄົນ, ບໍ່ແກ້ວ 12 ຄົນ, ບໍລິຄໍາໄຊ 12 ຄົນ, ຄໍາມ່ວນ 6 ຄົນ, ແຂວງວຽງຈັນ 4 ຄົນ, ສາລະວັນ 3 ຄົນ ແລະ ຊຽງຂວາງ 2 ຄົນ

ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 25.524 ຄົນ, ປິ່ນປົວຫາຍດີ 462 ຄົນ, ກໍາລັງປິ່ນປົວ 6.390 ຄົນ, ເສຍຊີວິດສະສົມ 22 ຄົນ