ຄະນະໄກ່ເກ່ຍ ແຂວງຫຼວງນໍ້າທາ ໄດ້ລົງກວດກາສະຖານທີ່ໂຄງການພັດທະນາສວນວັດທະນະທໍາແຂວງ

314

ເມື່ອວັນທີ 30 ກັນຍາ 2021 ຜ່ານ​ມານີ້, ທ່ານ ໂຫຼຍ ໄຊເມືອງນາມ ຫົວໜ້າພະແນກ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງຫຼວງນໍ້າທາ ຮອງຫົວໜ້າຄະນະຊີ້ນໍາລວມໂຄງການພັດທະນາສວນວັດທະນະທໍາແຂວງ ພ້ອມດ້ວຍຄະນະໄກ່ເກ່ຍຂັ້ນແຂວງ ແລະ ຂັ້ນເມືອງຫຼວງນໍ້າທາ ໄດ້ລົງເບິ່ງພື້ນທີ່ ທີ່ດິນທີ່ຖືກຜົນກະທົບຈາກໂຄງການພັດທະນາສວນວັດທະນະທໍາແຂວງ.

May be an image of 1 person, standing and outdoors

ເນື້ອດິນທີ່ຖືກຜົນກະທົບມີເນື້ອທີ່ທັງໝົດ 31 ກວ່າເຮັກຕາ; ໃນນີ້ໄກ່ເກ່ຍແລ້ວ 25 ເຮັກຕາ ເທົ່າກັບ 90% ຂອງເນື້ອທີ່ ແລະ ໄດ້ຊົດເຊີຍແລ້ວ 25 ເຮັກຕາ, ຍັງບໍ່ທັນໄກ່ເກ່ຍ 6 ເຮັກຕາກວ່າ ທີ່ຍັງບໍ່ທັນຊົດເຊີຍ. ຈາກນັ້ນຄະນະຊີ້ນໍາລວມ ແລະ ຄະນະໄກ່ເກ່ຍເນື້ອທີ່ດິນທີ່ຖືກຜົນກະທົບຈາກໂຄງການພັດທະນາສວນວັດທະນະທໍາແຂວງ ຈຶ່ງໄດ້ລົງເບິ່ງສະຖານທີ່ດັ່ງກ່າວ.

May be an image of standing, tree and grass

​ພ້ອມນີ້, ຄະນະໄກ່ເກ່ຍຂັ້ນແຂວງ ແລະ ເມືອງ ກໍໄດ້ປຶກສາຫາລືກັນເປັນຕົ້ນແມ່ນບັນຫາປະຊາຊົນ ຈໍານວນໜຶ່ງບໍ່ທັນເຂົ້າໃຈໄດ້ຍ້າຍຫຼັກໝາຍ, ທໍາລາຍຫຼັກໝາຍ, ບຸກລຸກພື້ນທີ່, ຕໍ່ກັບບັນຫາດັ່ງກ່າວ ຖ້າຫາກໄກ່ເກ່ຍສໍາເລັດແລ້ວບໍລິສັດຈະເລີ່ມລົງມື ດຳເນີນການກໍ່ສ້າງຕົວຈິງໃນຂັ້ນຕໍ່ໄປ.

ຂ່າວ: ນ. ອຸ້ມ ສົມນໍວັນ