ກໍ່ສ້າງສໍາເລັດແລ້ວໂຄງການເຂື່ອນໄຟຟ້ານໍ້າຕົກຕາມລໍານໍ້າອູ ທັງໝົດ 7 ເຂື່ອນ

404

ທ່ານ ຄຳຜອຍ ວັນນະສານ ເຈົ້າແຂວງຜົ້ງສາລີ ພ້ອມດ້ວຍຂະແໜງການທີ່ກ່ຽວຂ້ອງຂອງແຂວງໄດ້ເຂົ້າຮ່ວມພິທີສະເຫຼີມສະຫຼອງຜົນສໍາເລັດການກໍ່ສ້າງໂຄງການເຂື່ອນໄຟຟ້ານໍ້າຕົກທັງໝົດ 7 ເຂື່ອນຕາມລໍານໍ້າອູດ້ວຍຮູບແບບທັງອອນລາຍ ແລະ ອັອຟລາຍ ໃນວັນທີ 28 ກັນຍາ 202 ຜ່ານມາ.

May be an image of indoor

ໂດຍການເຂົ້າຮ່ວມຂອງ ທ່ານ  ດາວວົງ ພອນແກ້ວ ລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ຄໍາຂັນ ຈັນທະວີສຸກ ເຈົ້າແຂວຫຼວງພະບາງ, ທ່ານ ຫຼີຈື້ກົງ (Mr.LI ZHI GONG) ຫົວໜ້າກົງສຸນໃຫຍ່ ສປ ຈີນ ປະຈໍານະຄອນຫຼວງພະບາງ, ທ່ານ ຫວັງປິງ (Mr.WANG BIN) ຜູ້ອໍານວຍການໃຫຍ່ ກຸ່ມບໍລິສັດ PowerChina, ທ່ານ ເສີ້ງຢູ້ໝິງ (Mr.SHENG YU MING) ປະທານ ບໍລິສັດພາວເວີໄຊນາຣີສອສ໌ (POWERCHINA RESOURCES LIMITED).

May be an image of body of water

ສຳລັບໂຄງການພັດທະນາເຂື່ອນໄຟຟ້າຕາມສາຍນໍ້າອູ ທີ່ແມ່ນໂຄງການພັດທະນາອຸດສາຫະກໍາໄຟຟ້າທີ່ສໍາຄັນ, ມີລັກສະນະຍຸດທະສາດ ເຊິ່ງປະກອບດ້ວຍ 7 ເຂື່ອນ, ໃນນີ້ສະເພາະຢູ່ແຂວງຜົ້ງສາລີມີ 4 ເຂື່ອນຄື: ເຂື່ອນໄຟຟ້ານໍ້າອູ 4, 5, 6 ແລະ 7 ໂດຍແມ່ນບໍລິສັດ Power China ຈາກ ສປ ຈີນ ເປັນຄູ່ຮ່ວມພັດທະນາກັບລັດຖະບານ ສປປ ລາວ ແລະ ໄດ້ແບ່ງການພັດທະນາໂຄງການອອກເປັນ 2 ໄລຍະຄື:

May be an image of indoor

ໄລຍະທີ 1 ລວມມີໂຄງການນໍ້າອູ 2-5-6 ໄດ້ເຊັນສັນຍາສໍາປະທານໃນປີ 2012, ເຊິ່ງທັງ 3 ເຂື່ອນລວມມີກໍາລັງຕິດຕັ້ງທັງໝົດ 540 MW ສາມາດຜະລິດກະແສໄຟຟ້າໄດ້ 2.290 Gwh/y ແລະ ໄດ້ເລີ່ມຕົ້ນດໍາເນີນການຜະລິດມາແຕ່ວັນທີ 1 ມັງກອນ 2017 ເປັນຕົ້ນມາ.

ໄລຍະທີ 2 ແມ່ນໂຄງການນໍ້າອູ 1-3-4-7 ໄດ້ເຊັນສັນຍາສໍາປະທານໃນປີ 2015 ເຊິ່ງທັງ 4 ເຂື່ອນລວມມີກໍາລັງຕິດຕັ້ງ 732 MW ສາມາດຜະລິດກະແສໄຟຟ້າໄດ້ 2.893 Gwh/y ແລະ 3 ໂຄງການໄດ້ສໍາເລັດ ເລີ່ມດໍາເນີນການຜະລິດມາແຕ່ຕົ້ນປີ 2020 ເປັນຕົ້ນມາ, ສ່ວນນໍ້າອຸ 7 ແມ່ນໄດ້ກໍ່ສ້າງສໍາເລັດແລ້ວໂດຍພື້ນຖານ, ປັດຈຸບັນພວມຢູ່ໃນຂັ້ນຕອນທົດລອງຜະລິດ.