ຈະສ້າງຫໍພິພິທະພັນກອງເຂົ້າໃຫຍ່ຢູ່ເມືອງພຽງ

226

ພິ​ທີ​ເຊັນ​ສັນ​ຍາ​ຮັບ​ເໝົາ​ກໍ່​ສ້າງ​ໂຄງ​ການ​ຫໍພິພິທະພັນກອງເຂົ້າໃຫຍ່​ ຢູ່ເມືອງພຽງ ແຂວງໄຊຍະບູລີ ຈະ​ເລີ່ມລົງມືກໍ່ສ້າງໂດຍຈະໃຫ້​ສຳ​ເລັດ​ໃນ​ປີ 2023 ລວມມູນ​ຄ່າ 4,8 ຕື້ກວ່າ​ກີບ ເຊິ່ງພິທີໄດ້ຈັດຂຶ້ນໃນວັນທີ 27 ກັນຍາ 2021 ທີ່ຫ້ອງປະຊຸມຫ້ອງວ່າການເມືອງ ໂດຍການເຂົ້າຮ່ວມຂອງ ທ່ານ ເສີດ ແສງສຸລິນ ເຈົ້າເມືອງພຽງ, ມີບັນດາການນຳຂອງເມືອງ, ຄະນະຮັບຜິດຊອບຊຸກຍູ້, ຄຸ້ມຄອງ, ກວດກາການລົງທຶນຂັ້ນເມືອງ, ຕາງໜ້າບໍລິສັດ ພຸດລືໄຊ ພ້ອມດ້ວຍພະນັກງານທີ່ກ່ຽວຂ້ອງຂອງເມືອງເຂົ້າຮ່ວມ.

ທະພັນກອງເຂົ້າໃຫຍ່ ເຊິ່ງຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງເປັນເຈົ້າຂອງໂຄງການ ແລະ ມອບໃຫ້ຫ້ອງການໂຍທາທິການ ແລະ ຂົນສົ່ງເມືອງເປັນເສນາທິການໃນການຕິດຕາມ, ກວດກາຈັດຕັ້ງປະຕິບັດໂຄງການຢູ່ໃນພາກສະໜາມ;  ສ່ວນຜູ້ເໝົາກໍ່ສ້າງແມ່ນ ບໍລິສັດ ພຸດລືໄຊກໍ່ສ້າງ ແລະ ສ້ອມແປງເຄຫະສະຖານ ຈຳກັດຜູ້ດຽວ ລວມມູນຄ່າໃນການກໍ່ສ້າງທັງໝົດ 4,8 ຕື້ກວ່າກີບ. ໂຄງສ້າງຂອງກອງເຂົ້າໃຫຍ່ເປັນໂຄງສ້າງເຫຼັກ, ເສັ້ນ​ຜ່າໃຈກາງພື້ນ​ລ່າງ​ຂອງກອງເຂົ້າໃຫຍ່ຍາວ 60 ແມັດ, ສູງຈາກໜ້າ​ດິນ 1 ແມັດ, ໃນ​ຂະ​ນະ​ທີ່ກອງເຂົ້າໃຫຍ່ມີເສັ້ນຜາໃຈກາງພື້ນຍາວ 24 ແມັດ, ສູງ 29 ແມັດ ທຽບໃສ່ລາງກອງເຂົ້າ ສ່ວນກອງເຂົ້ານ້ອຍເສັ້ນ​ຜ່າໃຈກາງພື້ນຍາວ 7 ແມັດກວ່າ, ສູງກວ່າ 8 ແມັດ.