ດ່ວນ! ແຂວງຫົວພັນ ແຈ້ງຫ້າມຄົນແຂວງອື່ນເຂົ້າມາ

274

ແຂວງຫົວພັນ ເປັນແຂວງດຽວທີ່ຍັງປອດເຊື້ອ ຕອນນີ້ມີຄວາມເປັນຫ່ວງປະຊາຊົນທີ່ສຸດ ໄດ້ແຈ້ງເຖິງຫົວໜ້າພະແນກການ, ອົງການທຽບເທົ່າອ້ອມຂ້າງແຂວງ, ສະພາປະຊາຊົນແຂວງ, ກອງບັນຊາການທະຫານ-ຕໍາຫຼວດແຂວງ, ອົງການຈັດຕັ້ງມະຫາຊົນ, ເຈົ້າເມືອງ 10 ເມືອງ, ບັນດາສາຂາທະນາຄານ, ລັດວິສາຫະກິດ, ນັກທຸລະກິດພາຍໃນ ແລະ ຕ່າງປະເທດ, ທຸກພາກສ່ວນລວມທັງພາກລັດ ແລະ ເອກະຊົນ ຮັບຊາບ ບໍ່ອະນຸຍາດໃຫ້ຄົນນອກເຂົ້າມາໂດຍເດັດຂາດ.

May be an image of road and sky

ເຊິ່ງມີແຈ້ງການດ່ວນເລກທີ 299/ຈຂ.ຫພ ລົງວັນທີ 25 ກັນຍາ 2021 ໃນການສືບຕໍ່ປະຕິບັດວຽກງານຕ້ານ ແລະ ສະກັດກັ້ນພະຍາດໂຄວິດ-19 ນັບແຕ່ວັນທີ 25/09/2021–04/10/2021 ແມ່ນໃຫ້ປະຕິບັດດັ່ງນີ້:

1 ປິດການເດີນທາງລະຫວ່າງຄົນຕ່າງແຂວງທີ່ມີຈຸດປະສົງເຂົ້າມາແຂວງຫົວພັນ, ຍົກເວັ້ນຄົນແຂວງຫົວພັນ ທີ່ມີຖິ່ນຖານຕັ້ງຢູ່ແຂວງຫົວພັນ ຈະຕ້ອງໄດ້ປະຕິບັດຕາມມາດຕະການປ້ອງກັນພະຍາດໂຄວິດ-19 ຢ່າງເຂັ້ວງວດ ( ໝາຍຄວາມວ່າຈະຕ້ອງໄດ້ເຂົ້າສູນກັກກັນຕົວໃຫ້ຄົບຕາມທີ່ໄດ້ກໍານົດໄວ້).

2 ສ່ວນລົດຂົນສົ່ງສິນຄ້າ ແມ່ນໃຫ້ປະຕິບັດການຄ່ຽນຖ່າຍສິນຄ້າຢູ່ຈຸດກວດກາ ຫຼື ປ່ຽນຖ່າຍຄົນຂັບລົດຢູ່ຈຸດກວດກາທີ່ໄດ້ກໍານົດໄວ້.

No photo description available.

ດັ່ງນັ້ນ, ຈຶ່ງແຈ້ງມາຍັງທຸກພາກສ່ວນ ແລະ ທຸກທ່ານເພື່ອຊາບ ແລະ ພ້ອມກັນປະກອບສ່ວນຈັດຕັ້ງປະຕິບັດຕາມ ໃຫ້ມີຜົນສໍາເລັດຕາມລະດັບຄາດໝາຍທີ່ວາງໄວ້.