ໃຫ້ສຳເລັດໃນເດືອນຕຸລານີ້ ການກໍ່ສ້າງຕະຫຼາດຊຸມຊົນເຂດແຫຼ່ງທ່ອງທ່ຽວ ອຸທິຍານພູຜາສຸກ

258

ການນໍາແຂວງສາລະວັນ ໄດ້ລົງຕິດຕາມ, ຊຸກຍູ້ໂຄງການກໍ່ສ້າງຕະຫຼາດຊຸມຊົນບ້ານຄຳທອງ ເມືອງສາລະວັນ ໃນວັນທີ 20 ກັນຍາຜ່ານມາ ເຊິ່ງນອນໃນເຂດແຫຼ່ງທ່ອງທ່ຽວ ອຸທິຍານພູຜາສຸກ ທີ່ກຳລັງຢູ່ໃນຂັ້ນຕອນເລີ່ມລົງມືໃນການກໍ່ສ້າງ ແລະ ຄາດວ່າຈະໃຫ້ສຳເລັດພາຍໃນ ເດືອນຕຸລາ 2021 ນີ້ ເພື່ອຈະເປີດບໍລິການໃຫ້ພໍ່ແມ່ປະຊາຊົນໄດ້ຊົມໃຊ້ຢ່າງເປັນທາງການ.

May be an image of one or more people, people standing and outdoors

ນໍາໂດຍ ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ ຜູ້ຊີ້ນໍາຂົງເຂດວັດທະນະທຳ-ສັງຄົມ, ທ່ານ ຄໍາຜ່ານ ສີລາວີ ຫົວໜ້າພະແນກອຸດສາຫະກໍາ ແລະ ການຄ້າແຂວງ, ທ່ານ ມະໄລວອນ ສີປະເສີດ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ ພ້ອມດ້ວຍພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ທ່ານ ວິລະສັກ ດວງພະຈັນ ຫົວໜ້າຂະແໜງສົ່ງເສີມວິສະຫະກິດຂະໜາດກາງ ແລະ ຂະໜາດນ້ອຍ ພະແນກອຸດສາຫະກຳ ແລະ ການຄ້າແຂວງສາລະວັນ ທັງເປັນກອງເລຂາຄະນະຮັບຜິດຊອບການກໍ່ສ້າງຕະຫຼາດຊຸມຊົນພູຜາສຸກ ບ້ານຄຳທອງ ເມືອງສາລະວັນ ລາຍງານໃຫ້ຮູ້ວ່າ: ການກໍ່ສ້າງແມ່ນໄດ້ເລີ່ມມາແຕ່ວັນທີ 1 ສິງຫາ 2021 ຄາດວ່າຈະໄຊ້ທຶນໃນການກໍ່ສ້າງທັງໝົດປະມານ 250 ລ້ານກວ່າກີບ.