ຊຽງຂວາງ ປະກາດໃຜທີ່ໄປຮ່ວມງານເຮືອນດີ ຮີບໄປກວດດ່ວນ! ຫຼັງພົບ 2 ຄົນຕິດເຊື້ອໂຄວິດ-19

315

ປັດຈຸບັນເກືອບທຸກແຂວງໃນລາວພົບຜູ້ຕິດເຊື້ອໂຄວິດ-19 ຍັງເຫຼືອພຽງແຂວງຫົວພັນ ແຂວງດຽວທີ່ຍັງບໍ່ພົບຜູ້ຕິດເຊື້ອໂຄວິດ-19 ເທື່ອ ແລະ ທາງຄະນະຮັບຜິດຊອບກໍໄດ້ເຄັ່ງຂັດຄົນເຂົ້າ-ອອກພາຍໃນແຂວງ ປ້ອງກັນຢ່າງເຂັ້ມງວດ ເຊິ່ງວັນທີ 20 ກັນຍາ 2021 ຜ່ານມາ ແຂວງຊຽງຂວາງ ທີ່ເປັນໜຶ່ງທີ່ບໍ່ພົບການຕິດເຊື້ອໃນຊຸມຊົນມາກ່ອນໃນໄລຍະຜ່ານມາ ອີງຕາມການຖະແຫຼງຂອງຄະນະສະເພາະກິດ, ຄວບຄຸມ ແລະ ປ້ອງກັນພະຍາດໂຄວິດ 19 ໄດ້ແຈ້ງວ່າ ພົບຜູ້ຕິດເຊື້ອໃນຊຸມຊົນ 2 ຄົນ ທີ່ແຂວງຊຽງຂວາງ.

ເຊິ່ງຄົນຢູ່ບ້ານຫໍສິມ ເມືອງຜາໄຊ ທັງສອງຄົນເປັນເອື້ອຍນ້ອງກັນ ເຊິ່ງເປັນເພດຍິງ ອາຍຸ 42 ປີ ອາຊີບກໍາມະກອນຕັດຫຍິບໂຮງງານອານປີລາວ ແລະ ເພດຍິງ ອາຍຸ 34 ປີ, ອາຊີບຄ້າຂາຍ ເຫດຜົນເດີນທາງໄປແຂວງຊຽງຂວາງ ຍ້ອນວ່າໄປສົ່ງສະການພໍ່ເສຍຊີວິດ.

ວັນທີ 14 ກັນຍາ 2021 ໄດ້ເດີນທາງຈາກນະຄອນຫຼວງວຽງຈັນ ໄປຮອດແຂວງຊຽງຂວາງ, ງານສົບຈັດແຕ່ວັນທີ 14-17 ກັນຍາ 2021, ວັນທີ 17 ກັນຍາ 2021 ໄດ້ສົ່ງສະການພໍ່. ດັ່ງນັ້ນ, ແຂວງຊຽງຂວາງ ຈຶ່ງໄດ້ປະກາດໃຫ້ພໍ່ແມ່ປະຊາຊົນ ຜູ້ໃດໄດ້ຮ່ວມງານເຮືອນດີ ໃຫ້ໄປເກັບຕົວຢ່າງ ພ້ອມທັງຈຳກັດບໍລິເວນຕົນເອງດ້ວຍ ແລະ ພ້ອມກັບແຈ້ງການລ໊ອກດາວແຂວງຊຽງຂວາງເປັນທີ່ຮຽບຮ້ອຍຕາມແຈ້ງການສະບັບນີ້.

No photo description available.

No photo description available.