ບໍລິສັດລ້ານຊ້າງ ມີເນໂຣນສ໌ ມອບອຸປະກອນການແພດໃຫ້ເມືອງວິລະບູລີ

129

ບໍລິສັດ ລ້ານຊ້າງມີເນໂຮນສ໌ ລິມິເຕັດ ນໍາໂດຍ ທ່ານ ສະໝານ ອາເນກາ ຜູ້ອໍານວຍການໃຫຍ່ ບໍລິສັດ ລ້ານຊ້າງມີເນໂຣນສ໌ ລິມິເຕັດ ພ້ອມດ້ວຍຄະນະ ໄດ້ນໍາອຸປະກອນການປ້ອງກັນ ແລະ ຊຸດກວດໂຄວິດ – 19 ມາມອບໃຫ້ຫ້ອງການສາທາລະນະສຸກເມືອງວິລະບູລີ ແຂວງສະຫວັນນະເຂດ ໃນຕອນເຊົ້າຂອງວັນທີ 13 ກັນຍາ 2021 ເພື່ອນໍາໃຊ້ເຂົ້າໃນວຽກງານການປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ – 19 ຢູ່ເມືອງວິລະບູລີ ກໍຄືຢູ່ໃນບໍ່ຄໍາ – ທອງເຊໂປນ.

May be an image of 1 person and indoor

ປະກອບມີ: ຊຸດກວດໂຄວິດເອັນຕີເຈັນ ຈໍານວນ 700 ຊຸດ, ຊຸດ PPE ຈໍານວນ 10 ຊຸດ ແລະ ໜ້າກາກປ້ອງກັນ N 95 ຈໍານວນ 1 ກັບ, ຕາງໜ້າກ່າວຮັບເຄື່ອງຊ່ວຍເຫຼືອໃນຄັ້ງນີ້ ໂດຍແມ່ນ ທ່ານ ດຣ. ຄໍາຜົງ ຊົມສິດທິເດດ ຫົວໜ້າຫ້ອງການສາທາລະນະສຸກເມືອງ ທັງເປັນຄະນະສະເພາະກິດປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ – 19 ຂັ້ນເມືອງ.

ທ່ານ ສະໝານ ອາເນກາ ພ້ອມດ້ວຍ ທ່ານ ດຣ. ຄໍາຜົງ ຊົມສິດທິເດດ ກໍຍັງໄດ້ໄປຕິດຕາມເບິ່ງໂຄງການກໍ່ສ້າງຕຶກນອນຄົນເຈັບຫຼັງໃໝ່ ຂອງໂຮງໝໍເມືອງວິລະບູລີ ເຊິ່ງນໍາໃຊ້ທຶນສະໜັບສະໜູນຂອງ ບໍລິສັດລ້ານຊ້າງ ມີເນໂຣນສ໌ ລິມິເຕັດ.