22 ຄອບຄົວ ຂອງເມືອງອຸທຸມພອນ ໄດ້ຮັບເຄື່ອງຊ່ວຍເຫຼືອ

161

ທີ່ຫ້ອງການແຮງງານ ແລະ ສະຫວັດດີການສັງຄົມ ເມືອງອຸທຸມພອນ ແຂວງສະຫວັນນະເຂດ ໄດ້ມີພິທີມອບເຄື່ອງຊ່ວຍເຫຼືອໃຫ້ແກ່ຄອບຄົວທີ່ປະສົບໄພພິບັດພາຍໃນເມືອງ ກໍຄືຄອບຄົວທີ່ໄດ້ຮັບຜົນກະທົບຈາກອັກຄີໄພ ແລະ ພາຍຸພັດເຮືອນຈົນເສຍຫາຍ ເຊິ່ງລວມມີ 22 ຄອບຄົວ ໃນ 08 ບ້ານ ຂອງເມືອງອຸທຸມພອນ ໃນອາທິດຜ່ານມາ.

May be an image of 6 people and people standing

ມີເຫຼັກຕະປູ 76 ກິໂລ, ສັງກະສີ 660 ແຜ່ນ, ຕະປູຕອກສັງກະສີ 198 ກັບ ລວມມູນຄ່າທັງໝົດປະມານ 25.800.000 ກວ່າກີບ.

ໃນພິທີມອບຄັ້ງນີ້ມີ ທ່ານ ໂພຄໍາ ແວວມະນີ ຮອງເຈົ້າເມືອງອຸທຸມພອນ, ທ່ານ ນາງ ບຸນທະວີ ສີຊານົນ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ, ບັນດາທ່ານຫົວໜ້າຫ້ອງການ, ຄະນະຫ້ອງການ, ອໍານາດການປົກຄອງບ້ານທີ່ກ່ຽວຂ້ອງເຂົ້າຮ່ວມ.