ຫວຍພັດທະນາ ປະຕິບັດພັນທະເຂົ້າງົບປະມານໄດ້ 28,5 ຕື້ກວ່າກີບ ໃນ 6 ເດືອນຕົ້ນປີ

194

ບໍລິສັດ ລັດວິສາຫະກິດຫວຍພັດທະນາ ຈຳໜ່າຍຫວຍພັດທະນາທຸກປະເພດ ໄດ້ປະມານ 1.615 ຕື້ກີບ ລື່ນແຜນການ 23,76% ຂອງຕົວເລກແຜນການຈຳໜ່າຍ, ປະຕິບັດພັນທະເຂົ້າງົບປະມານໄດ້ 28,5 ຕື້ກວ່າກີບ ໃນ 6 ເດືອນຕົ້ນປີ ໂດຍມີສະມາຊິກຜູ້ຂາຍຫວຍປະມານ 20 ພັນກວ່າຄົນ.

May be an image of outdoors

ທ່ານ ອັກຄະວອນ ຫຼວງສຸວັນນະວົງ ຜູ້ອຳນວຍການ ບໍລິສັດ ລັດວິສາຫະກິດຫວຍພັດທະນາ ໃຫ້ຮູ້ວ່າ: ປັດຈຸບັນຫວຍພັດທະນາພິມ – ຈຳໜ່າຍຫວຍພັດທະນາທຸກປະເພດທີ່ໄດ້ຮັບອະນຸຍາດ ປະກອບມີ: ຫວຍເລກ 6 ໂຕ, ເລກ 5 ໂຕ 4 ໂຕ, ເລກ 3 ໂຕ, ເລກ 2 ໂຕ, ເລກ 1 ໂຕທ້າຍ, ຫວຍຕຳລາຝັນ 3/40, ຫວຍຂູດ ແລະ ມີຕົວແທນຈຳໜ່າຍຫວຍພັດທະນາທົ່ວປະເທດທັງໝົດ 52 ຕົວແທນ, ມີສະມາຊິກຜູ້ຂາຍຫວຍປະມານ 20 ພັນກວ່າຄົນ, ມີເຄື່ອງຂາຍຫວຍຂຶ້ນທະບຽນແລ້ວ ຈຳນວນ 37.483 ເຄື່ອງ, ມູນຄ່າຈຳໜ່າຍຫວຍພັດທະນາທຸກປະເພດ 6 ເດືອນຕົ້ນປີ 2021 ປະມານ 1.615 ຕື້ກີບ ເທົ່າກັບ 123,76% ຂອງແຜນການ ລື່ນແຜນການ 23,76% ຂອງຕົວເລກແຜນການຈໍາໜ່າຍ.

ດ້ານຕົວເລກລາຍຮັບປະຕິບັດໄດ້ທັງໝົດ 48.937 ຕື້ກີບ ເທົ່າກັບ 119,80% ຂອງແຜນການ ທຽບໃສ່ໄລຍະດຽວກັນຂອງປີ 2020 ເພີ່ມຂຶ້ນ 31,53%, ປະຕິບັດພັນທະເຂົ້າງົບປະມານ ຈຳນວນ 28,5 ຕື້ກວ່າກີບ ເທົ່າກັບ 115,33% ຂອງແຜນການ ທຽບໃສ່ໄລຍະດຽວກັນຂອງປີ 2020 ເພີ່ມຂຶ້ນ 19,82%.