ແຂວງຫຼວງພະບາງ ໄດ້ຮັບອຸປະກອນຊ່ວຍເຫຼືອສຸກເສີນໃນວຽກງານຕ້ານໂຄວິດ ຈາກອົງການກາແດງສະວິດ

198

ທີ່ສູນປະຕິບັດງານຄວບຄຸມໂຄວິດ – 19 ແຂວງຫຼວງພະບາງ ໄດ້ມີພິທີມອບ – ຮັບອຸປະກອນຊ່ວຍເຫຼືອສຸກເສີນ ເພື່ອຕ້ານການລະບາດພະຍາດໂຄວິດ – 19 ຢູ່ແຂວງຫຼວງພະບາງ ໃນຕອນແລງຂອງວັນທີ 7 ກັນຍາ 2021.

May be an image of one or more people and people standing

ໂດຍການກ່າວມອບຂອງ ທ່ານ ນາງ ບີນີຕາ ຫົວໜ້າອົງການກາແດງສະວິດ ປະຈໍາແຂວງຫຼວງພະບາງ ພ້ອມດ້ວຍຄະນະ ແລະ ກ່າວຮັບໂດຍ ທ່ານ ບຸນເລື່ອມ ມະນີວົງ ຮອງເຈົ້າແຂວງ ຫົວໜ້າຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ – 19 ແຂວງຫຼວງພະບາງ ພ້ອມດ້ວຍຄະນະ ເຊິ່ງປະກອບມີ: ຕັ່ງຢາງ 200 ໜ່ວຍ, ເຕັ້ນ 5 ດາງ, ພັດລົມໃຫຍ່ 8 ໜ່ວຍ ແລະ ສໍາລີກ້ອນຈໍານວນໜຶ່ງ ຄິດເປັນມູນຄ່າ 50 ລ້ານກີບ.