ລາຍລະອຽດຜູ້ຕິດເຊື້ອໃນຊຸມຊົນ 86 ຄົນ ວັນທີ 7 ກັນຍາ ມີແຂວງຄໍາມ່ວນ 29 ຄົນ

332

ທ່ານ ດຣ. ຣັດຕະນະໄຊ ເພັດສຸວັນ ຫົວຫນ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຖະແຫຼງຂ່າວ ປະຈຳວັນທີ 7 ກັນຍາ 2021 ວ່າ: ວັນທີ 6 ກັນຍາ 2021 ໄດ້ກວດວິເຄາະຫາເຊື້ອພະຍາດໂຄວິດ-19 ທັງໝົດ 4.159 ຄົນ ຜົນກວດພົບຜູ້ຕິດເຊື້ອໃໝ່ 307 ຄົນ. ໃນນີ້ຕິດເຊື້ອໃນຊຸມຊົນ 86 ຄົນ ເປັນຜູ້ສໍາຜັດໃກ້ຊິດນໍາຜູ້ຕິດເຊື້ອທີ່ຜ່ານມາ ແລະ ກໍລະນີນໍເຂົ້າ ມີ 221 ຄົນ ຈາກ ສະຫວັນນະເຂດ 195 ຄົນ, ຈໍາປາສັກ 14 ຄົນ, ສາລະວັນ 10 ຄົນ ແລະ ຄຳມ່ວນ 2 ຄົນ, ເຊິ່ງກວດພົບຈາກແຮງງານລາວ ຫຼື ຜູ້ທີ່ເດີນທາງມາຈາກປະເທດເພື່ອນບ້ານ ເຂົ້າຕາມຈຸດຜ່ານແດນສາກົນ.

ລາຍລະອຽດກໍລະນີໃນຊຸມຊົນມີດັ່ງນີ້:
ຄໍາມ່ວນ 29 ຄົນ ແພດທີ່ຈໍາກັດບໍລະເວນ 2 ຄົນ, ຊຸມຊົນໂພນສະຫວ່າງ 8 ຄົນ, ຕະຫລາດຫລັກ3 1 ຄົນ, ຄອບຄົວໄຟຟ້າ 3 ຄົນ, ໂຮງຮຽນ ການເມືອງ 5 ຄົນ ແລະ ຊຸມຊົນອື່ນໆ 10 ຄົນ; ແຂວງສະຫວັນນະເຂດ 26 ຄົນຄື: ສະຫວັນ ປາກ 2 ກໍລະນີ, ພະນັກງານຫ້ອງການກຸ່ມ 2 ກໍລະນີ ແລະ ຄອບຄົວພະນັກງານກຸ່ມ 1 ກໍລະນີ , ສ່ວນທີ່ເຫຼືອແມ່ນສໍາຜັດກັບກໍລະນີຕິດເຊື້ອທີ່ຜ່ານມາ ແລະ ອີກສ່ວນທີ່ເຫຼືອທີມງານລະບາດກໍາລັງສອບສວນ ແລະ ເກັບກໍາຂໍ້ມູນເພີ່ມເຕີມ.

ບໍ່ແກ້ວ 13 ຄົນຄື: ເຂດເສດຖະກິດພິເສດ ສາມຫຼ່ຽມຄໍາ 11 ຄົນ (ຕໍາຫລວດ 2, ຄົນ ຈີນ 9), 01 ຈາກ ບ້ານຂອນແກ້ວ ເມືອງຫ້ວຍຊາຍ,
ຈໍາປາສັກ 10 ຄົນ ທັງໝົດມາຈາກຊຸມຊົນ ເຂດຫລັກ 40 ກ່ຽວພັນກັບ ກຸ່ມໂຮງຫມໍ ເມືອງ ປະທຸມພອນ; ສາລະວັນ 4 ຄົນ ແມ່ນ ກຸ່ມ ທີ່ພົວພັນ ກັບ ເຈົ້າຫນ້າທີ່ ໄອຍະການ ແລະ ຫ້ອງການຍຸທິທໍາແຂວງ ທີ່ເຄີຍໄດ້ ລາຍງານໃນ ສອງວັນຜ່ານມາ

ຫຼວງນໍ້າທາ 2 ຄົນ: ຈາກບ້ານວຽງເງິນ ເມືອງນໍ້າທາ ພົວພັນ ກັບ ຜູ້ຕິດເຊື້ອ ຜ່ານມາຈາກບ້ານທົ່ງໄຈ້ເຫນືອ ເມືອງນໍ້າທາ.
ນະຄອນຫຼວງວຽງຈັນ 1 ຄົນ: ບ້ານ ດອນດູ່ ເມືອງ ຫາດຊາຍຟອງ ເປັນລູກ ຂອງຜູ້ ທີ່ຕິດເຊື້ອ ຊຶ່ງໄດ້ລາຍງານ ໄລຍະວັນທີ 24 ສິງຫາ ຜ່ານມາ,
ຫຼວງພະບາງ 1 ຄົນ ແມ່ນຜູ້ສໍາຜັດໃກ້ຊິດກັບຜູ້ຕິດເຊື້ອມາກ່ອນ
ປັດຈຸບັນ ຜູ້ຕິດເຊື້ອໃຫມ່ທັງຫມົດ ໄດ້ເຂົ້ານອນແຍກປ່ຽວ ແລະ ຮັບການປິ່ນປົວຢູ່, ສະຖານທີ່ປິ່ນປົວທີ່ຖືກກໍານົດໄວ້.

ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງຫມົດ 16.365 ຄົນ, ເສຍຊີວິດສະສົມ 16 ຄົນ ແລະ ຄົນເຈັບກໍາລັງປິ່ນປົວ ທັງຫມົດ 5.019 ຄົນ. ປັດຈຸບັນນີ້ຫຼາຍປະເທດໄດ້ມີການຄົ້ນຄວ້ານໍາໃຊ້ຢາປິ່ນປົວ ເຊິ່ງໃນນັ້ນມີທັງຢາຫຼວງ ແລະ ຢາພື້ນເມືອງ.  ນະໂຍບາຍຂອງພັກກໍ່ຄືລັດຖະບານພວກເຮົາໄດ້ສົ່ງເສີມໃຫ້ນໍາໃຊ້ຢາພື້ນເມືອງ ເຊິ່ງເປັນຊັບສົມບັດທໍາມະຊາດອັນລໍ້າຄ່າຂອງປະເທດເຮົາ, ຄືດັ່ງທີ່ ທ່ານລັດຖະມົນຕີກະຊວງສາທາລະນະສຸກກໍໄດ້ຊີ້ນໍາໃຫ້ມີການຄົ້ນຄວ້າ ແລະ ຜະລິດຈໍາຫນ່າຍຢາປ້ອງກັນ ແລະ ປິ່ນປົວພະຍາດໂຄວິດ-19, ດັ່ງນັ້ນ ສະຖາບັນການແພດ ແລະ ຢາພື້ນເມືອງໄດ້ຄົ້ນຄວ້າ ແລະ ຜະລິດຢາ ຊະນິດແຄັບຊຸນເປັນຕົ້ນແມ່ນ ລາຊາບີ, ຄາວທອງ ແລະ ກະຊາຍຂາວ.

ປັດຈຸບັນໄດ້ຈັດສົ່ງໃຫ້ບັນດາແຂວງທີ່ມີການລະບາດເປັນຕົ້ນແມ່ນແຂວງສະຫວັນນະເຂດ, ຈໍາປາສັກ ແລະ ສາລະວັນ ເພື່ອປິ່ນປົວຄົນເຈັບຈໍານວນ 450 ຄົນ, ນອກຈາກນີ້ຍັງໄດ້ສົ່ງຢາພື້ນເມືອງທີ່ໄດ້ຮັບການຊ່ວຍເຫຼືອ ຈາກ ສປຈີນສົ່ງໃຫ້ບັນດາແຂວງທົ່ວປະເທດຈໍານວນຫນຶ່ງ, ຢາພື້ນເມືອງດັ່ງກ່າວນີ້ແມ່ນມີຜົນດີໃນການປ້ອງກັນ ແລະ ປິ່ນປົວພະຍາດທາງລະບົບຫາຍໃຈກໍ ຄືພະຍາດໂຄວິດ-19.