ການລົງຢ້ຽມຢ້າມສູນກັກບໍລິເວນ ແລະ ໂຮງໝໍພາກສະໜາມແຂວງ ຂອງທ່ານເຈົ້າແຂວງຫຼວງນໍ້າທາ

204

ທ່ານເຈົ້າແຂວງຫຼວງນໍ້າທາ ພ້ອມດ້ວຍຄະນະ ໄດ້ລົງຢ້ຽມຢາມສູນກັກບໍລິເວນ 14 ວັນ ແລະ ສູນປິ່ນປົວພາກສະໜາມຂອງແຂວງ ໃນວັນທີ 3 ກັນຍາ 2021 ໂດຍການນໍາພາຂອງ ທ່ານ ຄໍາໄຫຼ ສີປະເສີດ ເຈົ້າແຂວງຫຼວງນໍ້າທາ, ມີທ່ານ ພົມມະສຸກ ວິໄລກຸນ ຮອງເຈົ້າ ແຂວງຫຼວງນໍ້າທາ ພ້ອມດ້ວຍຄະນະສະເພາະກິດເຂົ້າຮ່ວມ.

May be an image of one or more people and people standing

ທ່ານ ດຣ. ບຸນນໍາ ເພັດສີຄາມ ຮອງຫົວໜ້າພະແນກສາທາລະນະສຸກແຂວງ ທັງເປັນຫົວໜ້າສູນກັກບໍລິເວນ 14 ວັນ ໄດ້ລາຍງານໂດຍຫຍໍ້ໃນການຈັດຕັ້ງປະຕິບັດຢູ່ສູນກັກບໍລິເວນ 14 ວັນ ເລີ່ມແຕ່ໄດ້ສ້າງຕັ້ງສູນນີ້ຂຶ້ນ ມີຄົນຂອງແຂວງມາກັກບໍລິເວນ 14 ວັນ ລວມທັງໝົດ 2.348 ຄົນ ( ຍິງ 1.388 ຄົນ ) ໃນນັັ້ນມີຄົນແຂວງຫຼວງນໍ້າທາ, ອຸດົມໄຊ, ບໍ່ແກ້ວ, ຫົວພັນ, ຜົ້ງສາລີ, ວຽງຈັນ, ຫຼວງພະບາງ ແລະ ແຂວງບໍລິຄໍາໄຊ ທີ່ໄປເຮັດວຽກຢູ່ຕ່າງປະເທດແລ້ວຈະກັບບ້ານຂອງຕົນຕ້ອງໄດ້ກັກບໍລິເວນ 14 ວັນ ເພື່ອຈະກວດຫາເຊື້ອພະຍາດໂຄວິດ – 19 ກ່ອນ ຖ້າຄົບ 14 ວັນ ຫາກບໍ່ພົບເຊື້ອພະຍາດໂຄວິດ – 19 ຈຶ່ງຈະສົ່ງກັບບ້ານຂອງຕົນ.

ທ່ານ ດຣ. ແສງວົງ ບຸດຕະວົງ ອໍານວຍການໂຮງໝໍແຂວງ ໄດ້ລາຍງານການປິ່ນປົວຜູ້ຕິດເຊື້ອພະຍາດໂຄວິດ – 19 ຢູ່ພາຍໃນແຂວງຫຼວງນໍ້າທາ ມີທັງໝົດ 69 ກໍລະນີ, ໃນນັ້ນຄົນຈີນມາຈາກຕ່າງແຂວງ 39 ຄົນ, ຄົນລາວ 30 ຄົນ, ຄົນລາວມາຈາກຕ່າງແຂວງ 7 ຄົນ, ແຮງງານລາວມາແຕ່ສາມຫຼ່ຽມຄໍາ 4 ຄົນ, ຄົນພາຍໃນແຂວງ 19 ຄົນ, ປິ່ນປົວຫາຍດີແລ້ວ 22 ຄົນ, ກໍາລັງນອນປິ່ນປົວຢູ່ 47 ຄົນ.

ປັດຈຸບັນນອນປິ່ນປົວຢູ່ໂຮງໝໍພາກສະໜາມຂອງແຂວງ ຈໍານວນ 20 ຄົນ ( ຍິງ 11 ຄົນ, ເດັກນ້ອຍ 2 ຄົນ ), ການປິ່ນປົວແມ່ນປິ່ນປົວຕາມອາການຂອງແຕ່ລະຄົນ.