ວັນນີ້ ມີກໍລະນີຕິດຕິດເຊື້ອໂຄວິດ-19 ເພີ່ມອີກ 172 ຄົນ ມີຈາກ ຊຸມຊົນພາຍໃນ 56 ຄົນ ນະຄອນຫຼວງວຽງຈັນ ມີ 6 ຄົນຢູ່ບ້ານຫາດຊາຍຂາວ

335

ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຖະແຫຼງຂ່າວ ປະຈຳວັນທີ5 ກັນຍາ 2021 ວ່າ: ວັນທີ 4 ກັນຍາ 2021ໄດ້ກວດວິເຄາະທັງໝົດ 3.093 ຄົນ ກວດພົບຜູ້ຕິດເຊື້ອໃໝ່ ທັງໝົດ 172 ຄົນເຊິ່ງຕິດເຊື້ອໃນຊຸມຊົນ 56 ຄົນ ເປັນຜູ້ສຳຜັດໃກ້ຊິດນຳຜູ້ຕິດເຊື້ອທີ່ຜ່ານມາ ແລະ ກໍລະນີນໍາເຂົ້າ ມີ 116 ຄົນ.

ກໍລະນີນໍາເຂົ້າ ມີ 116 ຄົນ ມີຈາກ ສະຫວັນນະເຂດ 68 ຄົນ, ສາລະວັນ 14 ຄົນ, ນະຄອນຫຼວງວຽງຈັນ 13 ຄົນ, ຈໍາປາສັກ 12 ຄົນ, ຄໍາມ່ວນ 5 ຄົນ, ແລະ ບໍລິຄໍາໄຊ 4 ຄົນ ເຊິ່ງກວດພົບຈາກແຮງງານລາວ ຫຼື ຜູ້ທີ່ເດີນທາງມາຈາກປະເທດເພື່ອນບ້ານ ເຂົ້າຕາມຈຸດຜ່ານແດນສາກົນ.

ລາຍລະອຽດ ຜູ້ຕິດເຊື້ອໃນຊຸມຊົນ 56 ຄົນ ຢູ່ນະຄອນຫຼວງວຽງຈັນ ແລະ ບັນດາແຂວງແມ່ນເປັນຜູ້ສຳຜັດໃກ້ຊີດກັບຜູ້ຕິດເຊື້ອທີ່ຜ່ານມາ ລາຍລະອຽດດັ່ງນີ້:ນະຄອນຫຼວງວຽງຈັນ 6 ຄົນ (ຄົນໃນຄອບຄົວດຽວກັນ),ສະຫວັນນະເຂດ 21 ຄົນ, ຈໍາປາສັກ 13 ຄົນ ຄໍາມ່ວນ 7 ຄົນ(ທັງໝົດແມ່ນ ພະນັກງານ ປກສ ຢູ່ຄ້າຍຄຸມຂັງ, ບ້ານຄຳຂີ້ໄກ່), ຫຼວງນໍ້າທາ 5 ຄົນ, ສາລະວັນ 2 ຄົນ(ຄົນໃນຄອບຄົວດຽວກັນ,ຜົວ ແລະ ເມຍຕິດເຊື້ອ ເປັນພະນັກງານທັງສອງຄົນ), ບໍ່ແກ້ວ 2 ຄົນ( ບ້ານຂຸນບົງ ມີປະຫວັດພົວພັນ ກັບບ້ານໃໝ່ສີເມືອງງາມ).

ລາຍລະອຽດກໍລະນີ ຕິດເຊື້ອໃນຊຸມຊົນ 6 ຄົນ ຢູ່ນະຄອນຫຼວງວຽງຈັນມີດັ່ງນີ້:
1. ເພດຊາຍ ອາຍຸ 24 ປີ, ບ້ານ ຫາດຊາຍຂາວ, ເມືອງຫາດຊາຍຟອງ, ອາຊີບ ພະນັກງານທະຫານ (ໂພນເຄັງ)
2. ເພດຊາຍ  ອາຍຸ 52 ປີ, ບ້ານ ຫາດຊາຍຂາວ, ເມືອງ ຫາດຊາຍຟອງ, ອາຊີບ ພະນັກງານທະຫານ (ໂພນເຄັງ)
3. ເພດຍິງ ອາຍຸ 19 ປີ, ບ້ານຫາດຊາຍຂາວ ເມືອງຫາດຊາຍຟອງ, ອາຊີບ ຂາຍເຄື່ອງ Online
4. ເພດຊາຍ ເດັກອາຍຸ 8 ເດືອນ, ບ້ານຫາດຊາຍຂາວ ເມືອງຫາດຊາຍຟອງ
5. ເພດຍິງ ອາຍຸ 52 ປີ, ບ້ານຫາດຊາຍຂາວ ເມືອງຫາດຊາຍຟອງ,ອາຊີບ ພະນັກງານທະຫານ (ໂພນເຄັງ)
6. ເພດຊາຍ ອາຍຸ 18 ປີ, ບ້ານຫາດຊາຍຂາວ ເມືອງຫາດຊາຍຟອງ, ອາຊີບ ນັກຮຽນ