ມື້ນີ້ ນະຄອນຫຼວງວຽງຈັນ ມີກໍລະນີຕິດເຊື້ອໃນຊຸມຊົນ 24 ຄົນ

350

ທ່ານດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ  ຖະແຫຼງຂ່າວປະຈຳວັນທີ31 ສິງຫາ ວ່າ: ວັນທີ 30 ສິງຫາ 2021 ໄດ້ກວດວິເຄາະທັງໝົດ 3.521 ຄົນ ກວດພົບຜູ້ຕິດເຊື້ອໃໝ່ ທັງໝົດ 199 ຄົນ.

ໃນນີ້ຕິດເຊື້ອໃນຊຸມຊົນເຖິງ 64 ຄົນ ເປັນຜູ້ສຳຜັດໃກ້ຊິດນຳຜູ້ຕິດເຊື້ອທີ່ຜ່ານມາ ຄື:ນະຄອນຫຼວງ 24, ສະຫວັນນະເຂດ 14 ຄົນ, ບໍ່ແກ້ວ 11 ຄົນ, ຫຼວງນ້ຳທາ 8 ຄົນ, ສາລະວັນ 3 ຄົນ, ຄຳມ່ວນ 2 ຄົນ, ອຸດົມໄຊ 1 ຄົນ, ຈຳປາສັກ 1 ຄົນ.

ສ່ວນ ກໍລະນີນໍາເຂົ້າ ມີ 135 ຄົນ ຈາກ ບໍລິຄຳໄຊ 2 ຄົນ, ນະຄອນຫຼວງ 4 ຄົນ, ຄຳມ່ວນ 5 ຄົນ, ສາລະວັນ 19 ຄົນ ,ຈຳປາສັກ 51 ຄົນ ແລະ ສະຫວັນນະເຂດ 54 ຄົນ ເຊິ່ງກວດພົບຈາກແຮງງານລາວ ຫຼື ຜູ້ທີ່ເດີນທາງມາຈາກປະເທດເພື່ອນບ້ານ ເຂົ້າຕາມຈຸດຜ່ານແດນສາກົນ.

ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 15.015 ຄົນ, ເສຍຊີວິດສະສົມ 14 ຄົນ (ໃໝ່ 0 ຄົນ) ແລະ ຄົນເຈັບກໍາລັງປິ່ນປົວ ທັງໝົດ 4.983 ຄົນ.

.

ລາຍລະອຽດກໍລະນີຕິດເຊື້ອໃນຊຸມຊົນຢູ່ນະຄອນຫຼວງວຽງຈັນ 24 ຄົນ, ທັງໝົດແມ່ນຜູ້ສຳຜັດໃກ້ຊິດກັບກຸ່ມຕິດເຊື້ອຂອງບໍລິສັດເບຍລາວ, ເປັບຊີ ແລະ ບໍລິສັດຂົນສົ່ງທາງບົກ-ທາງນ້ຳ (ຢູ່ບ້ານທ່າພະລານໄຊ)ຄື: ເມືອງຫາດຊາຍຟອງ 14 ຄົນ: ປາກເປັ່ງ 6 ຄົນ, ທ່າພະ 5 ຄົນ, ໜອງແວງ 2 ຄົນ ແລະ ໜອງແຫ້ວ 1 ຄົນ.


ເມືອງໄຊເສດຖາ 5 ຄົນ: ນາໄຊ 2 ຄົນ, ອາມອນ 1 ຄົນ, ສະພັງໝໍ້ 1 ຄົນ, ໂຊກຄຳ 1 ຄົນ; ເມືອງສີໂຄດຕະບອງ 2 ຄົນ: ຍາພະ 1 ຄົນ (ພະນັກງານບໍລິສັດຂົນສົ່ງເຂດທ່າພະລານໄຊ), ອ່າງໃຫຍ່ 1 ຄົນ; ເມືອງສີສັດຕະນາກ 3 ຄົນ: ຈອມເພັດ 1 ຄົນ, ດອນນົກຂຸ້ມ 1 ຄົນ (ມາແຕ່ເມືອງຕົ້ນເຜິ້ງ), ທ່າພະລານໄຊ 1 ຄົນ.