ລົງຕິດຕາມການກໍ່ສ້າງໂຮງໝໍນ້ອຍປາກແລງ ຫຼັງໃໝ່ ຂອງຮອງເຈົ້າເມືອງປາກລາຍ

386

ທ່ານ ບຸນພະລັງ ວິໄລສັກ ຮອງເຈົ້າເມືອງປາກລາຍ ແຂວງໄຊຍະບູລີ ຜູ້ຊີ້ນໍາຂົງເຂດວັດທະນະທໍາສັງຄົມ ພ້ອມດ້ວຍຄະນະຊີ້ນໍາເຂດພັດທະນາບຸ່ງມ່າຕາກແດດ ຂະແໜງການທີ່ກ່ຽວຂ້ອງຂອງເມືອງ ໄດ້ລົງຕິດຕາມຊຸກຍູ້ ແລະ ປຶກສາຫາລືແຜນສືບຕໍ່ໂຄງການກໍ່ສ້າງໂຮງໝໍນ້ອຍບ້ານປາກແລງເມືອງປາກລາຍ ຫຼັງໃໝ່ ໃນອາທິດຜ່ານມາ ເພື່ອຊຸກຍູ້ຕິດຕາມປະເມີນຜົນການສືບຕໍ່ໂຄງການກໍ່ສ້າງໂຮງໝໍນ້ອຍບ້ານປາກແລງຫຼັງໃໝ່ ໃຫ້ສຳເລັດເປີດໃຫ້ບໍລິການໄວໆນີ້.

May be an image of 4 people, people sitting and people standing

ທ່ານ ຄໍາມ່ວນ ແກ້ວພົມມະລິນ ຫົວໜ້າໂຮງໝໍນ້ອຍປາກແລງ ໄດ້ລາຍງານສະພາບການຈັດຕັ້ງປະຕິບັດວຽກງານໃນໄລຍະຜ່ານມາວ່າ: ໂຄງການກໍ່ສ້າງໂຮງໝໍນ້ອຍປາກແລງ ຫຼັງໃໝ່ ແມ່ນໄດ້ເລີ່ມລົງມືກໍ່ສ້າງມາແຕ່ວັນທີ 23 ເດືອນເມສາ 2018 ເປັນໂຄງການລົງທຶນການປະກອບສ່ວນ ແລະ ກໍ່ສ້າງຂອງພໍ່ແມ່ປະຊາຊົນພາຍໃນ 8 ບ້ານ ໃນເຂດພັດທະນາບຸ່ງມ່າຕາກແດດ ປະກອບມີ: ບ້ານປາກແລງ, ສີວິໄລ, ຫ້ວຍເດື່ອຫວານ, ຫ້ວຍໄຮ, ຕາກແດດ, ຫ້ວຍຕ່າງ, ດົງສະຫງວນ ແລະ ບ້ານບຸ່ງມ່າ ມູນຄ່າ 185 ລ້ານກວ່າກີບ ຮ່ວມກັບນັກທຸລະກິດຜູ້ປະກອບການອໍານາດການປົກຄອງເມືອງ ແລະ ພະແນກສາທາລະນະສຸກແຂວງ ລວມມູນຄ່າທັງໝົດ 1,5 ຕື້ກວ່າກີບ ເຊິ່ງເປັນອາຄານຊັ້ນດຽວມີຂະໜາດ 20 x 17 ແມັດ, ມີ 9 ຫ້ອງ ມາຮອດປັດຈຸບັນແມ່ນສໍາເລັດແລ້ວ 55% ແລະ ຄາດວ່າໂຄງການດັ່ງກ່າວຈະສ້າງໃຫ້ສໍາເລັດໃນປີ 2023.