ພິທີມອບ – ຮັບພາຫະນະຈາກ ສປ ຈີນ ໃຫ້ກໍາລັງ ປກສ 5 ແຂວງພາກເໜືອ

292

ໄດ້ມີພິທີມອບ – ຮັບລົດຈາກການຊ່ວຍເຫຼືອຂອງກອງບັນຊາການຄຸ້ມຄອງຄົນເຂົ້າ – ອອກເມືອງ ແຂວງຢູນນານ ໃນກາງເດືອນສິງຫາ 2021 ທີ່ດ່ານສາກົນບໍ່ຫ່ານ ສປ ຈີນ, ໃຫ້ກຽດເຂົ້າຮ່ວມຝ່າຍ ສປປ ລາວ ໂດຍ ທ່ານ ພັນໂທ ຄໍາຕຸ່ນ ບຸນລຽນຂັນ ຮອງຫົວໜ້າກອງບັນຊາການ ປກສ ແຂວງຫຼວງ ນໍ້າທາ ມີຜູ້ຕາງໜ້າຈາກກະຊວງ ປກສ, ຄະນະພັກ – ຄະນະບັນຊາກອງບັນຊາການ ປກສ ແຂວງອຸດົມໄຊ, ຜົ້ງສາລີ, ຫຼວງນ້ຳທາ ແລະ ແຂວງບໍ່ແກ້ວ. ຝ່າຍຈີນນໍາໂດຍ ທ່ານ ເຢີນຊຽວກວາງ ຮອງຫົວໜ້າກອງບັນຊາການຕຳຫຼວດຄຸ້ມຄອງ ແລະ ປ້ອງກັນຊາຍແດນ ແຂວງຢູນນານ ແຫ່ງ ສປ ຈີນ ພ້ອມດ້ວຍຄະນະ.

May be an image of 5 people and people standing

ພາຫະນະທີ່ທາງ ສປ ຈີນ ມອບໃນຄັ້ງນີ້ກໍເພື່ອເປັນການຊ່ວຍເຫຼືອໃຫ້ກະຊວງປ້ອງກັນຄວາມສະຫງົບ ແລະ ກອງບັນຊາການປ້ອງກັນຄວາມສະຫງົບ 5 ແຂວງພາກເໜືອ ແຫ່ງ ສປປ ລາວ ເຊິ່ງປະກອບມີພາຫະນະລົດຈັກຍີ່ຫໍ້ ວູຍາງ ຈໍານວນ 25 ຄັນ, ລົດກະບະຍີ່ຫໍ້ ເຝິງຈຸນ ຈໍານວນ 5 ຄັນ ແລະ ປະເພດລົດເກັ໋ງຍີ່ຫໍ້ ສວນສີ ຈໍານວນ 2 ຄັນ ລວມມູນຄ່າ 980.000 ຢວນ. ໃນນີ້, ມອບລົດເກັ໋ງຍີ່ຫໍ້ ສວນສີ ຈໍານວນ 2 ຄັນ ໃຫ້ກະຊວງປ້ອງກັນຄວາມສະຫງົບ, ມອບລົດກະບະຍີ່ຫໍ້ ເຝິງຈຸນ ໃຫ້ກອງບັນຊາການ 5 ແຂວງພາກເໜືອ ແຂວງລະ 1 ຄັນ ແລະ ມອບລົດຈັກຍີ່ຫໍ້ ວູຍາງ ໃຫ້ກອງບັນຊາການ 5 ແຂວງພາກເໜືອ ແຂວງລະ 5 ຄັນ.

May be an image of 2 people, people standing and text

ທ່ານ ພັນໂທ ຄໍາຕຸ່ນ ບຸນລຽນຂັນ ຕາງໜ້າໃຫ້ກົມພົວພັນການຕ່າງປະເທດ ແລະ ກອງບັນຊາການປ້ອງກັນຄວາມສະຫງົບ 5 ແຂວງພາກເໜືອ ໄດ້ກ່າວຄໍາຂອບໃຈຢ່າງສູງ ຕໍ່ກັບການຊ່ວຍເຫຼືອຂອງ ສປ ຈີນ ໃນຄັ້ງນີ້ ແລະ ຈະນໍາໃຊ້ພາຫະນະກໍຄືລົດທີ່ໄດ້ມີການມອບຄັ້ງນີ້ເຂົ້າໃນການປະຕິບັດໜ້າທີ່ວຽກງານໃຫ້ຖືກເປົ້າໝາຍ, ໃນວຽກງານປ້ອງກັນຄວາມສະຫງົບຢ່າງມີປະສິດທິຜົນ.