ສໍາເລັດການລົງເຄື່ອນໄຫວຕິດຕາມ, ກວດກາ, ຊຸກຍູ້ປະຕິບັດມາດຕະການໂຄວິດ – 19 ຂອງຮອງເຈົ້າແຂວງສາລະວັນ

253

ໃນວັນທີ 20 ສິງຫາຜ່ານມາ ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ ຫົວໜ້າຄະນະສະເພາະກິດໂຄວິດ – 19 ພ້ອມຄະນະ ໄດ້ສໍາເລັດການລົງເຄື່ອນໄຫວ ຕິດຕາມ, ກວດກາ, ຊຸກຍູ້ປະຕິບັດມາດຕະການປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ – 19 ຂອງເມືອງຄົງເຊໂດນ.

May be an image of 1 person, standing and indoor

ທ່ານ ຄຳເຜືອ ຄູນນິດໃສ ຮອງເຈົ້າເມືອງຄົງເຊໂດນ ຫົວໜ້າຄະນະສະເພາະກິດໂຄວິດ – 19 ເມືອງຄົງເຊໂດນ ໄດ້ລາຍງານວ່າ: ໃນໄລຍະຜ່ານມາພາຍຫຼັງໄດ້ຮັບນິຕິກໍາ, ແຈ້ງການ ແລະ ຄຳສັ່ງຂອງສູນກາງພັກ, ລັດຖະບານ, ສຳນັກງານນາຍົກ ແລະ ຂັ້ນແຂວງ, ທາງການນໍາຂັ້ນເມືອງກໍໄດ້ມີການຈັດຕັ້ງປະຕິບັດ ໂດຍມີການອອກຂໍ້ຕົກລົງພາກສ່ວນຕ່າງໆທີ່ກ່ຽວຂ້ອງຮັບຜິດຊອບ, ທົ່ວເມືອງມີ 10 ສູນຈຳກັດ ມີແຮງງານນຳເຂົ້າທັງໝົດ 332 ຄົນ ( ຍິງ 156 ຄົນ ) ເຊິ່ງເປັນແຮງງານນໍາເຂົ້າຈາກດ່ານປາກຕະພານ, ດ່ານມຸກດາຫານ, ດ່ານລະໄລ, ບ້ານຄັນທຸງໄຊ ແລະ ບ້ານຄຳຕື້.

May be an image of 4 people, people standing, people sitting and outdoors

ໂອກາດດຽວກັນນັ້ນ, ທ່ານຮອງເຈົ້າແຂວງ ກໍໄດ້ລົງເບິ່ງການປະຕິບັດຕົວຈິງຂອງເຈົ້າໜ້າທີ່ສູນໂຮງຮຽນມັດທະຍົມຕົ້ນ ບ້ານນາປົ່ງ, ສູນຈຳກັດບໍລິເວນ ໂຮງຮຽນປະຖົມບ້ານກຸດມີໄຊ ແລະ ໄດ້ມອບຜ້າອັດປາກ – ດັງ, ເຈວລ້າງມື, ແອວກໍຮໍ ແລະ ນໍ້າດື່ມໃຫ້ອົງການປົກຄອງເມືອງ ແລະ ສູນຈຳກັດບໍລິເວນຕື່ມອີກ.